گه‌ڕان

Shadow Shadow
سیاسه‌تی

هێرشێک لە حەشدەوە

هێرشێك لە حەشدەوە بۆ وەزارەتی دارایی و پەرلەمان: ئێوە بەرپرسن

2021.05.07 - 10:28
App store icon Play store icon Play store icon
هێرشێك لە حەشدەوە بۆ وەزارەتی دارایی و پەرلەمان: ئێوە بەرپرسن

ناس کورد-

دەستەی حەشدی شەعبی ڕایگەیاند، لەماوەی چەند مانگی ڕابردوودا دەستەکەیان هەوڵی بێ و چانی داوە بۆ دەستەبەرکردنی مافی ئەو ئەندامانەی حەشد کە گرێبەستەکانیان هەڵوشێنراوەتەوە، بەڵام وەزارەتی دارایی هەموو ئەو هەوڵانەی پۆچەڵکردووەتەوە.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا، دەستەی حەشدی شەعبی (هەینی 7ی ئایاری 2021)  لەبارەی گەرانەوەی ئەو چەکدارانەی کە ناسراون بە (المفسوخة عقودهم) گرێبەستەکەیان هەڵوەشێنراوەتەوە  بۆ ریزەکانی حەشدی شەعبی ڕایگەیاند، " لە ماوەی چەند مانگی ڕابردوودا فشاری سیاسی بێ و چانمان کرد بۆ ئەوەی بڕگەیەک لە پرۆژە یاسای بودجەی 2021دا  دابنرێنت بۆ  ئەو توێژە و لەفشارەکانمان سەرکەوتوو بووین و پەرلەمان ناچاربوو برگەیەکی تایبەتی بەو چکدارانە لە ناوە پرۆژە یاساکدا جێگیربکات" .

 

 لەڕاگەیەندراوەکەدا ئەوە هاتووە، " سەرباری دانانی ئەو بڕگەیە لە پرۆژە یاساکەدا کە حکومەت ناچار دەکات ماف و ئیمتیازاتی ئەو توێژە دەستەبەر بکات، بەڵام وەزارەتی دارایی بە توندی ڕەتیدکردەوە کە ئەو بڕگەیە جێبەجێبکات".

 

ئەوەش هاتوووە،" لێرەوە دەمانەوێت بەڕاستگۆیانە هەموو ئەو جەنگاوەرانە ئاگاداربکەینەوە  کە دوای ڕەتکردنەوەی وەزارەتی دارایی بۆ جێبەجێکردنی ئەو بڕگەیە، ئیدی دەرفەتی گەرانەوەیان بۆ ڕیزەکانی حەشد زۆر لاواز بووە، بەڵام هەوڵەکان هەر بەردەوامە".

 

ئاماژە بەوەشکراوە،" دەستەی حەشدی شەعبی لای خۆیەوە بەرپرسێارێتی دروستبوونی  ئەو دۆخە دەخاتە ئەستوی حکومەت و  وەزارەتی دارایی و لایەنە سیاسییەکان".

 

لەدەمی  دەنگدان بە بودجەی 2021ی گشتی عێراق، هەردوو هاوپەیمانێتیی دەوڵەتی یاسا و فەتح مەرجیان دانا بۆ تێپەڕاندنی پڕۆژە یاساکە، لەوانە ڕەزامەندی دان لەسەر دامەزراندنی 30 هەزار چەکداریی نوێ لە ریزەکانی حەشدی شەعبی، هاوکات مەرجی ئەوەشیان هەبوو کە دەبێت بڕگەیەک لەناو پرۆژە یاساکەدا دابنرێت کە ماف و ئیمتیازات  بدرێت بەو چەکدارانەی کە گریبەستەکانیان هەڵوەشێنراوەتەوە  بۆ ئەوەی جارێکی تر لەسەر میلاکی دەستەی حەشدی شەعبی دابمەزرێنەوە.

 

ئەوچەکدارانەی کە گریبەستەکانیان هەڵوەشێنراوەتەوە ناسراون بە "المفسوخة عقودهم" ئەو چەکدارانە هاوشێوەی چەکدارانی دیکەی حەشدی شەعبی هیچ موچەیەکیان نییە، بەگوێرەی زانیارییەکان بەشێکی زۆر لە ئەوانە ئەو چەکدارانەن کە پێشتر لە ریزەکانی دەستەی حەشدی شەعبی بوون، بەڵام بە شێوەیەکی فەرمیی تۆمارنەکراون.

 

ئاماژە بەوەشکراوە،" ئەو چەکدارانە بەشێکی زۆریان  پێشتر لە رێزەکانی گروپە چەکدارەى عێراقییەکان بوون لە سوریا و پاڵپشتیان لەڕژێمەکەی ئەسەد کردووە و شەڕەیان بۆکردووە، بەشێکی دیکەشیان لەم دوایانەدا چوونەتە رێزی گروپە چەکدارەکانی سەر بە ئێران و بەشێکی دیکەشیان وەک یەدەک بوون و ئێستا چوونەتە ڕیزی گروپە چەکدارەکانی حەشدی شەعبی وەک جێگرەوەیەک بۆ ئەوچەکدارانەی کە لە شەرەکاندا کوژراون."