گه‌ڕان

Shadow Shadow
سیاسه‌تی

پەیامێکیان ئاڕاستە دەکات

هەپەگە لەسەر ’’هێرشکردنەسەر پێشمەرگە’’ ڕوونکردنەوە دەدات

2021.05.06 - 20:31
App store icon Play store icon Play store icon
هەپەگە لەسەر ’’هێرشکردنەسەر پێشمەرگە’’ ڕوونکردنەوە دەدات

ناس کورد-

هێزەکانی پاراستنی گەل - هەپەگە ڕەتیدەکاتەوە لە سیدەكان، هێرشیان کردبێتەسەر  پێشمەرگە ‌و دەیشڵێت، چاوەڕوانن پێشمەرگە ئەگەر پشتیوانییان نەكەن، ئاستەنگیشیان بۆ دروست نەكەن لەبەرەكانی جەنگ.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ناوەندی ڕاگەیاندن ‌و چاپەمەنیی هێزەكانی پاراستنی گەل - هەپەگە (پێنجشەممە 5ی ئایاری 2021) ڕایگەیاند، "ڕۆژی 4ی ئایار هێزەكانی پاسەوانی سنوور كە لە پێشمەرگە ‌و هێزەكانی بەناوی عێراقەوە پێكدێن، لە چەند خاڵێكی هەرێمی مەتیا جیگیر بوون، ئێمە هەوڵمان دا لە دۆخی ئەو هێزانە تێبگەین و هیچ ئاستەنگێکمان بۆ درووست نەکردن، بەڵام ئێمە بە نیگەرانییەوە لە ئامانجەکانی ئەوان دەڕوانین و چاودێرییان دەکەین." 

 

ئاماژەی بەوەشکردووە، "بە پێی هەندیک میدیا، هێزەکانی ئێمە لە سیدەکان، هێرشی كردووەتە سەر هێزی پێشمەرگەی پارتی،بەڵام ئێمە ڕایدەگەیەنین کە هیچ هێرشێک لەلایەن ئێمەوە بۆ سەر خاڵەکانی پیشمەرگە، نەکراوە." 

 

هەپەگە ئەوەشی خستووەتەڕوو، "ئێمە وەک گەریلاکانی ئازادیی کوردستان لە دژی دەوڵەتی داگیرکەری تورک کە دەخوازێت کوردستان داگیر بکات، بەرخۆدانێکی مێژوویی دەکەین، ئەمە بەرخۆدانێکی نەتەوەیی و پیرۆزە ‌و چاوەڕوانیشین کە هێزی پیشمەرگە، بەشداریی ئەم بەرخۆدانە میژوویی و پیرۆزە ببن و پشتگیریی ئێمە بکەن ‌و ئەگەریش پشتگیریی ناکەن، دەبێت نەکەونە ناو دۆخیک کە لە شەڕدا ئاستەنگ بۆ گەریلا درووست بکەن، لەم بوارەوە ئێمە داواکارین کە هەرکەس هەڵویستی نەتەوەیی نیشان بدات."