گه‌ڕان

Shadow Shadow
سیاسه‌تی

وردەکاریى

بڕیاری دادگاى تەمیز بۆ پەسەندکردنى سزای چالاکوانەکانى بادینان بڵاوکرایەوە

2021.05.06 - 12:31
App store icon Play store icon Play store icon
بڕیاری دادگاى تەمیز بۆ پەسەندکردنى سزای چالاکوانەکانى بادینان بڵاوکرایەوە

ناس کورد-

نووسراوى فەرمى دادگاى تەمیز لەبارەى پەسەندکردنى بڕیارى سزادانى چالاکوانانى بادینان بڵاوکرایەوە و دادگاكە بەزۆرینەی دەنگی دادوەرەكانی سەرجەم تۆمەتەكانی سەر سزادراوەكان وەك خۆی جێگیردەكات كە كاری سیخوڕی و زیانگەیاندنە بەئاسایشی هەرێم و وەرگرتنی كۆمەكە لە رێكخراو و كونسوڵخانە بیانییەكان.

 

کەناڵی ناس کورد لە تێلیگرام جۆین بکە   

 

حاکم شێخ لەتیف مستەفا (6ى ئایارى 2021) لە بڵاوکراوەیەکدا وێنەى نوسراوى دادگاى تەمیزى بۆ پەسەندکردنى بڕیارى سزادانى چالاکوانەکانى بادینان بڵاوکردەوە و لەبارەیەوە نوسیویەتى "ئەوە بریارەکەی دادگای تەمیزە کە بەداخەوە بریاری سزادانی رۆژنامەنوسان و چالاکوانانی بادینانی بەزۆرینە پەسەند کرد".

 

دەشڵێت "ئێستا تۆپ لەساحەی سەرۆکی ھەرێمە، کە خۆشی رایگەیاندبوو کە ئەو حوکمە نادادپەروەرەو کاریگەری خراپیشی بۆ ناوبانگی ھەرێم ھەیە و با بفەرموێ بەگوێرەی دەسەڵاتی خۆى لێبوردنی تایبەتیان بۆ دەربکات بەگوێرەی یاسای سەرۆکایەتی ھەرێم".

 

دادگاى تاوانەکانى دووى هەولێر 16 ى شوباتى 2021 بڕیاریدا هەریەکە لە شێروان شێروانی، شڤان سەعید، گوهدار زێباری، هاریوان عیسا و ئەیاز کەرەم بە شەش ساڵ زیندانى سزا بدرێن، بەتۆمەتى سیخوڕى و مەترسی بۆ سەر ئاسایشى هەرێم، ئەوەش کاردانەوەى زۆرى لێکەوتەوە.

 

 بەڵقیس والى نوێنەرى ڕێکخراوى هیومان ڕایتس وۆچ لەعێراق (5ى ئایارى 2021) بە ئاژانسى فرانس پرێسى راگەیاند "هەست بەنیگەرانى سزادانى دەستگرکراوانى بایدینان دەکەین بەهۆى ویستێکى سیاسى و ئاڕاستەکانى دادگاى پێداچوونەوە کە پێوەرەکانى دادگایەکى دادپەروەرانەى پشتگوێ خست".

  

ئاماژەى بۆ ئەوەشکردووە، ئەو ئەنجامە ئەوە ڕووندەکاتەوە کە تاچەندە دەسەڵاتدارانى هەرێم ئازادیی ڕادەربڕین پێشێل دەکەن.