گه‌ڕان

Shadow Shadow
سیاسه‌تی

ڤیدیۆکە ببینە

’’سزادراوانى بادینان و بکوژانى خۆپیشاندانەکان’’ پشێوى لەناو پەرلەمان دروستکرد

2021.05.05 - 12:18
App store icon Play store icon Play store icon

ناس کورد-

وروژاندنى دۆسیەى سزادراوانى بادینان و بکوژانى خۆپیشاندانەکانى ساڵى ڕابردوو پشێوى لە پەرلەمانى کوردستان دروستکرد.

کەناڵی ناس کورد لە تێلیگرام جۆین بکە   

 

لە کۆبوونەوەى ئەمڕۆى (5ی ئایاری 2021) پەرلەمانى کوردستاندا هەردوو پەرلەمانتار شایان عەسکەرى پەرلەمانتارى گۆڕان و عومەر گوڵپى، پەرلەمانتارى کۆمەڵى دادگەرى باسیان لە دۆسیەى سزادراوانى بادینان کرد و داویانکرد بڕیارەکە هەڵوەشێنرێتەوە.

 

عومەر گوڵپى هەروەها باسى لە دۆسیەى بکوژانى خۆپیشاندانەکانى ساڵى رابردوو کرد و رایگەیاند پەرلەمانتار لیژنەیەکى لەو بارەیەوە پێکهێناوە و تا ئێستا ئەنجامى نەبووە.

 

لاى خۆیەوە، هێمن هەورامى کە دانیشتنەکە بەڕێوەدەبات رایگەیاند، بەپێی یاسا هەر دۆسیەیەک لەبەردەم یاسادا بێت پەرلەمانتار ناتوانێت قسەى تێدا بکات.

 

لەدواى قسەکانى ئەو دوو پەرلەمانتارە پەرلەمانتارێکى پارتى لەشوێنى خۆیەوە ویستى وەڵامیان بداتەوە و پشێوى لەدانیشتنەکە دروست بوو.