نێچیرڤان بارزانى گەیشتە مەکۆى سەرەکى بزوتنەوەى گۆڕان لە سلێمانى

ناس کورد- 

نێچیرڤان بارزانى، سەرۆکى هەرێمى کوردستان گەیشتە مەکۆى سەرەکى بزوتنەوەى گۆڕان لە سلێمانى و لەگەڵ بەرپرسانى بزوتنەوەکە کۆدەبێتەوە.

 

کەناڵی ناس کورد لە تێلیگرام جۆین بکە   

 

نێچیرڤان بارزانى (4ى ئایارى 2021) بەسەردانێک گەیشتە سلێمانى بۆ کۆبوونەوە لەگەڵ بزوتنەوەى گۆڕان و یەکێتى و لە سەرەتادا سەردانى مەکۆى سەرەکى بزوتنەوەى گۆڕانى لە گردى زەرگەتە کرد و لە ئێستادا لەگەڵ بەرپرسانى بزوتنەوەکە لە کۆبوونەوەدایە و بڕیارە لەدواى گۆڕان سەردانى هەریەک لە یەکێتى و حزبى سۆسیالیست بکات. 

 

سەردانەکە دواى ئەوە دێت کە دوێنێ (دووشەممە) سەرۆکى هەرێمى کوردستان لەشارى هەولێر سەردانى هەریەک لە کۆمەڵى دادگەریى و یەکگرتووى ئیسلامى کرد. 

 

بەگوێرەى راگەیەندراوى سەرۆکایەتى هەرێمیش سەردانەکان بەمەبەستى گفتوگۆکردنە لەبارەى دەستورى هەرێمى کوردستان و تاوتوێکردنى بابەتى یەکڕیزى نێو ماڵى کورد و لایەنە سیاسییەکان.