گه‌ڕان

Shadow Shadow
سیاسه‌تی

زانیاریی زیاتر

خەدام چەند نامەیەكی نهێنی سەدام بۆ خامنەیی ئاشكرا دەكات

2021.05.01 - 11:54
App store icon Play store icon Play store icon
خەدام چەند نامەیەكی نهێنی سەدام بۆ خامنەیی ئاشكرا دەكات

ناس کورد-

عەبدولحەلیم خەدامی، جێگری پێشووی حافز ئەسەد لە بیرەوەرییەكانیدا هەندێك نامەی نهێنی سەدام حسێنی بۆ عەلی خامنەیی و ڕەفسنجانی ئاشكراكرد لە ساڵی 1990 لەمیانەی ئامادەكارییەكانی بۆ هێرشكردنە سەر كوەیت و داگیركردنی ئەو وڵاتەدا.

کەناڵی ناس کورد لە تێلیگرام جۆین بکە   

 

لەو نامانەدا كە ڕۆژنامەی شەرقولئەوسەت بڵاویكردووەتەوە (1ی ئایاری 2021) و "ناس كورد" خوێندنەوەی بۆ كردووە، سەدام حوسێن چەند ئامادەکارییەکى بۆ داگیرکردنى کوەیت کردووە و چەند هەنگاوێکیشى ناوە لەوانە ئاساییکردنەوەى بارودۆخەکە لەگەڵ ئێراندا بۆ ئەوەى بتوانێت سەربازەکانى لەسەر سنورەکانى عێراق ئێران بۆ بەرەکانى ئەو شەڕە بکشێنێتەوە و هەروەها بۆ ئەوەى دەرفەتێکیش نەداتە ئێران لەکاتى دەستپێکردن بەداگیرکردنى کوەیت هێرشى بکاتەسەر.

 

ئەوەش ڕوونکراوەتەوە، لە 21ى نیسان و هەروەها ڕۆژى 4ى ئابى 1990 چەند نامەیەک لەنێوان سەدام حوسێن و بەرپرسانى ئێرانیدا ئاڵوگۆڕ کراوە.

 

خەدام دەشڵێت، ئەو نامە ئاڵوگۆڕپێکراوانەى نێوان ئەو لایەنانە دەخاتە بەردەم خوێنەر بۆ ئەوەى هەست بەوە بکرێت کە داگیرکردنى کوەیت ڕوداوێکى لەخۆڕا نەبوو و ئامانجەکەشى زۆر لەوە گەورەتر بوو کە ڕاگەیەنرا گوایە لەسەر ناکۆکییەکانى قەرز و نرخەکانى نەوتە.