گه‌ڕان

Shadow Shadow
سیاسه‌تی

هێرشەكە كۆتاییهاتووە

لەپردێ هێرش كرایە سەر پێشمەرگە و زیانی گیانی لێ كەوتەوە

2021.05.01 - 03:04
App store icon Play store icon Play store icon
لەپردێ هێرش كرایە سەر پێشمەرگە و زیانی گیانی لێ كەوتەوە

ناس كورد_

چەكدارانی داعش لە سنووری پردێی شاری كەركوك هێرشیان کردە سەر سەنگەرێکی هێزەكانی پێشمەرگە و بەپێی هەواڵە بەراییەكان هێرشەكە بووەتەهۆی گیان لەدەستدانی سێ پێشمەرگە و برینداربوونی دوانیتر، ئیدارەی پارێزگاكەش دۆخی نائاسایی ڕاگەیاندووە. 

کەناڵی ناس کورد لە تێلیگرام جۆین بکە   

 

لە سنووری شارۆچكەی پردێ، چەکدارانی داعش هێرشیان کردووەتە سەر خاڵێکی هێزەكانی پێشمەرگە بەگوێرەی لێدوانی نووری حەمە عەلی، فەرماندەی میحوەری رۆژئاوای کەرکووك بۆ "ڕووداو" سێ پێشمەرگە گیانیان لەدەستداوە و دوو برینداریتر ھەن یەكێك لە پێشمەرگەكانیش پلەی نەقیبە.

بەپێی زانیارییەكان هێرشەكە بە ھاوەن، بیکەیسی و کڵاشینکۆڤ كراوەتە سەر سەنگەرەكانی پێشمەرگە، بەڵام هێرشەکە كۆتاییهاتووە و دۆخەکە ئاسایی بووەتەوە. 

بەگوێرەی بەدوداچوونی پەیامنێری "ناس" ئیدارەی كەركوك ئەوپەڕی باری نائاسایی ڕاگەیاندووە لە ناو شار و لە دەوروبەری پارێزگاكە بۆ بەرەنگاربوونەوەی مەترسییەكان، هەروەها هێرشەكە لیواكانی 9 و 11 پۆلیسی فیدراڵی عێراقیشی گرتووەتەوە. 

پێشتریش سەرچاوەیەكی ئەمنی بە "ناس" ی ڕاگەیاند دوو تەقینەوە لە قەزای تارمییەی باشوری بەغدا (1 ئایاری 2021) 5 كوژراوی لێ كەوتووەتەوە لەڕیزی هێزە ئەمنییەكان كە دووانیان ئەفسەرن و 5 كەسیتر بریندار بوون. 

 

قد تكون صورة لـ ‏‏شخص واحد‏ و‏نص‏‏