گه‌ڕان

Shadow Shadow
چیرۆكه‌كانمان

پۆلیسی ئینتەرپوڵ لەبارەى چارەنوسی نەجمەدین کەریم بۆ ناس کورد دەدوێت، هێشتا لە لوبنانە؟

2019.06.10 - 15:57
App store icon Play store icon Play store icon
پۆلیسی ئینتەرپوڵ لەبارەى چارەنوسی نەجمەدین کەریم بۆ ناس کورد دەدوێت، هێشتا لە لوبنانە؟

کەناڵی ناس کورد لە تێلیگرام جۆین بکە   

ناس کورد- بەڕێوەبەری پۆلیسی ئینتەرپوڵی عێراق چەند زانیارییەکی گرنگی لەبارەى دۆسیەى دەستگیرکردنی نەجمەدین کەریم ئاشکراکرد و ڕایگەیاند، پارێزگاری پێشووی کەرکوک هێشتا ئازادنەکراوە بەڵکو بەپێی یاسای  لوبنان بە کەفالەت ئازادکراوە بەڵام پاسپۆرت و بەڵگەنامە تایبەتەکانى لێ وەرگیراوە تاوەکو دۆسیەکەى یەکلایی دەکرێتەوە. . سادق فەرەج عەبدولڕەحمان، بەڕێوەبەری پۆلیسی ئینتەرپوڵی عێراق لە لێدوانێکى تایبەتدا بە ناس کورد ڕایگەیاند، لەدوای دەستگیرکردنی لە فڕۆکەخانەى بەیروت، نەجمەدین کەریم بە کەفالەت ئازادکراوە و هێشتا لە لوبنانە. سادق فەرەج وتیشى، "حکومەتى لوبنان داوای لە ئێمە کردووە ڕێکارە یاساییەکان ڕادەستکردنەوەى نەجمەدین کەریم بۆ عێراق بگرینەبەر و ڕادەستیان بکەین، ئێمەش وەک پۆلیسی ئینتەرپوڵ داوامان لە داواکاری گشتیی عێراق کرد دۆسییەکە ئامادە بکەن و ئەوانیش ناردوویانە." . ڕاشیگەیاند، "لەئێستادا دۆسیەى ڕادەستکردنەوەى نەجمەدین کەریم بە عێراق گەیشتووەتە دادگای لوبنانی." ئاماژەى بەوەشکرد، " بەپێی یاسای ئینتەرپوڵ، 60 ڕۆژی پێویستە بۆ ڕادەستکردنەوەى تۆمەتبار، دوای ئەو ڕێکارانە، ئێستا دۆسیەکە لە دەستى پۆلیسی ئینتەرپوڵ دەرچووە و لە دەستى دادگای لوبنانی و حکومەتى لوبناندایە، ئەوان بڕیاری لەسەر دەدەن و دواتر بڕیارەکە ڕەوانەى سەرۆکایەتى کۆماری لوبنان دەکەن و ئەوانیش بڕیای کۆتایی دەدەن." . لەبارەى بوونی نێوەندگیری لەنێوان حکومەتى هەرێم و بەرپرسانی پارتی لەگەڵ حکومەت و بەرپرسانى عێراق بۆ ئازادکردنی، سادق فەرەج بە ناس کوردی وت، "ئێمە وەک لایەنی جێبەجێکار هیچ ئاگاداری نێوەندگیرییەکانى نێوان هەرێمی کوردستان و بەرپرسانى بەغدا نین." سەبارەت بەو تۆمەتانەى نەجمەدین کەریمی لەسەر گیراوە، سادق فەرەج وتیشی، "نەجمەدین کەریم لەسەر یەک دۆسیەى دەستگیرکراوە کە لادانی پارەیە و ئەوەش بەشێکە لە گەندەڵی، تەنها ئەو تۆمەتەش هەیە." . لەبارەى پرسیار ناس کورد کە ئایا دوای ڕادەستکردنەوەى بە عێراق لە کوێ دادگایی دەکرێت، سادق فەرەج وتی، "لەبەرئەوەى سکاڵاکە لە دەستەى دەستپاکی کەرکوکەوە لەسەر نەجمەدین کەریم تۆمارکراوە دەبێت بچێتە بەردەم دادگاکانى کەرکوک نەک بەغدا."