گه‌ڕان

Shadow Shadow
سیاسه‌تی

زانیارى زیاتر

سەدر لەسەر وەزیری ڕەوتەكەی: ئەگەر كەمتەرخەمە با سەرۆك وەزیران لایدات

2021.04.25 - 17:10
App store icon Play store icon Play store icon
سەدر لەسەر وەزیری ڕەوتەكەی: ئەگەر كەمتەرخەمە با سەرۆك وەزیران لایدات

ناس کورد-

موقتەدا سەدڕ، ڕێبەرى رەوتى سەدر لەسەر روداوى ئاگرکەوتنەوەکەى نەخۆشخانەى ئیبن خەتیب هاتە دەنگ و داواى لە سەرۆک وەزیران کرد کە ئەگەر وەزیرى تەندروستى کەمتەرخەمە لایدات.

 

کەناڵی ناس کورد لە تێلیگرام جۆین بکە   

 

موقتەدا سەدڕ (25ى نیسانى 2021) لە راگەیەندراوێکدا کە لەبارەى روداوى ئاگرکەوتنەوەکەى نەخۆشخانەى ئیبن خەتیب بڵاوى کردەوە جگە لە راگەیاندنى ماتەمینى خۆى بۆ ئەو روداوە داوشى لە مستەفا کازمى، سەرۆک وەزیرانى عێراق کرد کە ئەگەر وەزیرى تەندروستى کە لەپشکى رەوتەکەى پۆستەکەى وەرگرتووە کەمتەرخەمى لەو رووداوەدا نواندووە لایبات.

 

سەدڕ هەروەها هۆشدارى ئەوەشیدا کە ئەو جۆرە رووداوانە نەکرێنە ناو بانگەشەى هەڵبژاردن و مەترسى خۆشى نیشاندا لەوەى ئەم ئاگركەوتنەوەیە سەرەتای هەندێ ڕووداویتر بێت لەگەڵ نزیكبوونەوەی هەڵبژاردن.

 

وتیشى، ئەترسم ئەم ئاگركەوتنەوەیە سەرەتای هەندێ ڕووداویتری تێكدەران بێت لەگەڵ نزیكبوونەوەی هەڵبژاردن بەتایبەت پاش لاوازبوونی چانسی بردنەوەیان بەهۆی كارە نانیشتمانییەكانیان. 

 

ئاماژەى بەوەش کرد کە خۆیى و شوێنکەوتووانى ناخاتە ئەو یارییە پیسەوە کە هەموو هەڵبژاردنێك لەسەری ڕاهاتووین.

 
جەختیشیکردەوە، ئەگەر سەلما وەزیری تەندروستی كەمتەرخەمە ئەوە لەسەر سەرۆك وەزیرانە لەسەر كار لایبدات. چونكە ئەو لەچوارچێوەی گەورەترین لیست وەك سەربەخۆ هەڵیبژاردووە. 

 

لەپاش ئاگركەوتنەوەی نەخۆشخانەی ئیبن خەتیب هەڵمەتێكی گەورە داوای دەستلەكاركێشانەوەی وەزیری تەندروستی دەكەن كە لەسەر ڕەوتی سەدر ئەژمارە بەشێكیش لەو هەڵمەتە لە هێزەكانی حەشدی شەعبین كە ڕكابەری لیستەكەی سەدرن لە هەڵبژاردنەكان.