گه‌ڕان

Shadow Shadow
سیاسه‌تی

وردەکاریى

لەوڵاتێکی ئاسیا، شەش کەس بە ڤاکسینی ئەسترازینیکا توشی جەڵتەی خوێن بوون

2021.04.22 - 14:14
App store icon Play store icon Play store icon
لەوڵاتێکی ئاسیا، شەش کەس بە ڤاکسینی ئەسترازینیکا توشی جەڵتەی خوێن بوون

ناس کورد-

بەهۆی نیشانە لاوەکییەکانی ڤاکسینی ئەسترازینیکای دژ بە ڤایرۆسی کۆرۆنا شەش کەس لە وڵاتی سریلانکا توشی جەڵتەی خوێن بوون و سیانیش لە توشبووەکان گیانیانلەدەستدا.

 

کەناڵی ناس کورد لە تێلیگرام جۆین بکە   

 

ئاژانسی ڕۆیتەرز (21ی نیسانی 2021) بڵاویکردەوە، پاڤیترا وانیارانچی، وەزیری تەندروستی سریلانکا لەکاتی ئامادەبوونی لەبەردەم پەرلەمانی وڵاتەکەی ئەوەی ئاشکراکردووە کە شەش کەس بەهۆی کوتانەوە بە ڤاکسینی ئەسترازینیکای دژ بە ڤایرۆسی کۆرۆنا دوچاری جەڵتەی خوێن بوونەتەوە".

 

وەزیری تەندروستیی سریلانکا ئاماژەی بەوەشکردووە" لەو شەش کەسە سیانیان بەهۆی نیشانە لاوەکییەکانی ڤاکسینەکەوە گیانیانلەدەستداوە".

 

بەگوێرەی ڕۆیتەرز،"تائێستا نزیکەی ملیۆنێک هاوڵاتی سریلانکی بە ڤاکسینی ئەسترازینیکا کوتراون".

 

ئەمە لەکاتێکدایە کەپێشتر ئاژانسی دەرمانی ئەوروپا ئەوەی ئاشکراکردبوو کە پێدەچێت پەیوەندی لەنێوان کوتان بە ڤاکسینی ئەسترازینیکا و توشبوون بە جەڵتەی خوێنەوە هەبێت".

 

توشبوون بەجەڵتەی خوێن لەئاکامی کوتان بەو ڤاکسینە لەئێستادا بووەتە هۆکاری بڵاوبوونەوەی دڵەڕاوکێ لەسەرتاسەری جیهان،کە ئەوەش وایکردووە ژمارەیەک وڵات بەکارهێنانی ڤاکسینەکە هەڵپەسێرن.