گه‌ڕان

Shadow Shadow
سیاسه‌تی

ئەى ژنان؟

توێژینەوەیەک لەبارەى پەیوەندی کۆرۆنا و ڤیتامینەکان پیاوان بێئومید دەکات

2021.04.21 - 08:54
App store icon Play store icon Play store icon
توێژینەوەیەک لەبارەى پەیوەندی کۆرۆنا و ڤیتامینەکان پیاوان بێئومید دەکات

ناس کورد-

لەوەتەى پەتاى كۆرۆنا بە جيهاندا بڵاوبوتەوە زۆرينەى دانيشتوانى جيهان بەدواى زانيارى بۆ ڕێگەكانى خۆپاراستن و بەهێزكردنى بەرگریی جەستە دەگەڕێن و يەكێك لە ڕێگەكانیش ڤيتامينەكانن بە تايبەتى ڤيتامين D، بەڵام ڕەنگە ئەوە بۆ پياو ڕاست نەبێت.

کەناڵی ناس کورد لە تێلیگرام جۆین بکە   

 

بەپێى لێكۆڵينەوەيەكى نوێ لەسەر تەواوكارييە خۆراكیيەكان كە لە گۆڤارى "Health & BMJ Nutrition Prevention" بڵاوكراوەتەوە، ڤيتامين C ياخود "زينك" ياخود "سير" پەيوەندييان بە كەمكردنەوەى مەترسى توشبوون بە پەتاى كۆرۆناوە نييە.

 

جەخت لەوەشكراوەتەوە، بەڵام ئەگەرى هەيە تەواوكاريیە خۆراكیيەكان پشتگيرى سيستمى بەرگرى بكەن، بەڵام هيچ بەڵگەيەك نييە كە پەيوەندييان بە كەمكردنەوەى ئەگەرى توشبوون بە كۆرۆناوە هەبێت، ئەوەش لە لێكۆڵينەوەيەكدا سەلێمنراوە كە لەسەر ژمارەيەكى زۆر لەو كەسانە كراوە كە تەواوكاريیە خۆراكيیەكان بەكاردەهێنن.

 

لە لێكۆڵينەوەكەدا 372 هەزار و 720 كەس بەشدار بوون، دەركەوتووە كە پرۆبايۆتيكەكان ياخود ترشەكانى ئۆمێگا 3 چەور و مەڵتى ڤيتامينەكان و ڤيتامين D توانيويانە بە ڕێژەی 14% و 12% و 13% و 9% مەترسى توشبوون بە كۆرۆنا كەم بكەنەوە، ئەوەش بە لەبەرچاوگرتنى هۆكارى تر وەك سيستمى سەرەكى خۆراك و بارودۆخ.

 

زانايان جەختيان لەوەشكردووەتەوە، بەڵام ئەوانەى تەواوكارى خۆراكى ڤيتامين C ياخود "زينك" ياخود "سير"
بەكاردەهێنن ئەو كاريگەريە تێياندا دەرنەكەوتووە، سەرەڕاى ئەوەش كاريگەرييەكانى "رۆبايۆتيكەكان، ترشەكانى ئۆمێگا 3 چەور، مەڵتى ڤيتامينەكان و ڤيتامين D" تەنها لە ژناندا دەركەوتووە بە هەموو تەمەنەكانەوە و ئەو پەيوەندييەش بەشێوەيەكى ئاشكرا لەگەڵ پياواندا دەرنەكەوتووە.

 

لاى خۆيەوە پرۆفيسۆر سومانترا ڕاى، بەڕێوەبەرى ناوەندى NNEdProى جيهانى بۆ خۆراك و تەندروستى دەڵێت، دەزانين كە ئەو گروپە تەواوكاريە خۆراكيە بەتايبەتى ڤيتامين D گرنگن بۆ پاڵپشتیكردنى بەرگرى و كليلى پاراستنن لە پەتا و چاكبونەوە لێى.

 

جەختي لەوەشكردووەتەوە، بەڵام تائێستاش ئەو بەڵگانەى ئەوە پشتڕاست دەكەنەوە كەمن و لێكۆڵينەوەى زياتر و وردتر پێويستن بۆ بەدەستهێنانى دەرئەنجامێكى دڵنياكەرەوە.