گه‌ڕان

Shadow Shadow
سیاسه‌تی

زانیاریی زیاتر

شێوازی دەوامی مامۆستایان و خوێندکارانی خوێندنی کوردی دیاریکرا

2021.04.20 - 21:09
App store icon Play store icon Play store icon
شێوازی دەوامی مامۆستایان و خوێندکارانی خوێندنی کوردی دیاریکرا

ناس کورد-

بەڕێوەبەرایەتی خوێندنی كوردی لە پەروەردەی كەركوك شێوازی دەوامی مامۆستایان و خوێندكارانی کرد و ڕایگەیاند، دەبێت مامۆستایان وانەكانیان تۆمار بكەن بۆ گروپی تیلیگرام.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی خوێندنی كوردی لە كەركوك (سێشەممە 20ی نیسانی 2021) ڕایگەیاند، "پێویستە مامۆستایان لە ڕۆژانی پێنجشەممە دەوام بكەن بۆ تۆماركردنی وانەكان بۆ گروپی تیلیگرام و ئەو خوێندنگایانەی خوێندكاریان زۆرە ڕۆژانی پێنجشەممە تەرخان بكرێت بۆ دەوامی خوێندكارانی پۆلی (1-2-3-6)ی سەرەتایی.

 

ئاماژەی بەوەشکردووە، خوێندنگە ناوەندی و دواناوەندی و ئامادەییەكانیش هەمانشێوەی بڕیارەکە دەیانگرێتەوە." 

 

دەقی ڕاگەیەنراوەکە: 

 

۱ـ لە قۆناغی سەرەتایی، ڕۆژانی پێنجشەممە كە هیچ دەوامێكی حزوری قوتابیان و خوێندكارانی پۆلەكانی ( ۱ـ۲ـ۳ـ٦ ی سەرەتایی ) تێدا نیە، پێویستە ڕۆژی پێنجشەممە تەرخان بكرێت بۆ دەوامی فەرمی مامۆستاكانیان لەوانەی كە پۆلەكانی ( ٤_٥ ی سەرەتایی ) دەڵێنەوە، تاوەكو بتوانن وانەكانی خۆیان لەڕێی گروپی تیلگرامی تایبەت بە قوتابخانەكانتان تۆمار بكەن و بڵاویبكەنەوە، چونكە لەناو قوتابخانە هەموو ئامرازەكانی خوێندن لە وایت بۆرد و هۆیەكانی فێركردن بەردەستن و مامۆستایان دەتوانن بە باشترین شێوە وانەكان بۆ قوتابیەكانیان بگەیەنن و لە هەمانكاتدا كارگێڕی قوتابخانەكان دەتوانن سوود لە دەوامی ڕۆژانی پێنجشەممە وەربگرن بۆ دەوامی چەند پۆلێك لە پۆلەكانی ( ۱ـ۲ـ۳ـ٦ ی سەرەتایی ) كە دەوامی حزوری شمولیان دەكات بۆ ئەو قوتابخانانەی كە ژمارەی قوتابیان زۆرە و ڕۆژانی ( یەكشەممە تاوەكو چوارشەممە ) بەشیان ناكات بۆ دەوامی حزوری قوتابیەكانیان .

 

۲_ بۆ كارگێڕی ناوەندی و دواناوەندی و ئامادەییەكانیش هەمان ئاگاداری سەرەوە پێویستە جێبەجێبكەن، كه لە ڕۆژانی ( چوارشەممە و پێنجشەممە ) كە لە قوتابخانەكانیان دەوامی حزوری تێدانیە، پێویستە مامۆستاكانی پۆلەكانی ( ۱ـ۲ ی ناوەندی ) وە (٤ـ٥ی ئامادەیی ) لە ڕۆژانی چوارشەممە یان پێنجشەممە دەوام بكەن بۆ تۆماركردنی وانەكانی تایبەت بە گروپی تیلیگرام ی قوتابخانەكانیان .