گه‌ڕان

Shadow Shadow
سیاسه‌تی

بڕیار لەسەر خانەنشینانى پێشمەرگە و دوو موچەکان دەدرێت

2021.04.20 - 12:49
App store icon Play store icon Play store icon
بڕیار لەسەر خانەنشینانى پێشمەرگە و دوو موچەکان دەدرێت

ناس کورد-

 

بەڕێوەبەری خانەنشینی ھەرێم رایگەیاند، لەچەند رۆژى داهاتودا بڕیار دەدەن لەسەر گەڕانەوەى ئەو کەسانەى پێشمەرگە بوونە و بە پلەی دیكە خانەشینن بۆ سەر پلەى پێشوویان، ئەوەشی دوو موچەی ھەبێت، موچەیەکیان دەبڕێت.

 

کەناڵی ناس کورد لە تێلیگرام جۆین بکە   

 

حازم ئیسماعیل ئەمڕۆ سێشەممە بە پێگەى فەرمى پارتى راگەیاندووە "فۆڕمێكمان رادەستى  خانەنشینان كردووە، بۆ ئەوەى ئەوانەی كاتی خۆی پێشمەرگە بوونە و بە پلەی تایبەت خانەنشین بوونە، بیانگەڕێنینەوە بۆ وەزارەتی پێشمەرگە، بۆیە لەم رۆژانەدا كە فۆڕمەكان تەواو بوون، كۆبوونەوەیەكی لەبارەوە ئەنجام دەدەین و بڕیاری لێ دەدەین".

 

وتیشى "ئەوانەی كە پێشمەرگە بوونە و بە پلەی دیكە خانەنشین بوون، بەشێكی گەڕاوەتەوە و بەشێكی ماوە و سەرقاڵی جیاكردنەوەی فۆڕمەكانین، بۆ ئەوەی بزانین چەند فۆڕم گەڕاوەتەوە".

 

بەڕێوەبەری خانەنشینی ھەرێم باسى لەوەشکرد، ئەو كەسانەی خانەنشین بوونە و دوو موچەیان ھەیە، مووچەیان رادەگرن و دەستیان بە پرۆسەكە كردووە، چونكە ھەیە دوو موچەی فەرمانبەری وەردەگرێت و ھەشە فەرمانبەر و خانەنشینی وەردەگرێت.

 

داواشى لەو کەسانە کرد سەردانیان بكەن، بۆ ئەوەی موچەیەك ھەڵبژێرن و ئەوەی موچەیەكی نایاسایی وەربگرێت، موچەیەكیان دەبڕدرێت.