گه‌ڕان

Shadow Shadow
سیاسه‌تی

وردەکاریى

دادگای تەمیز بڕیاری لەسێدارەدانی بکوژی سێوان قادر و منداڵەکانی پەسەندکرد

2021.04.19 - 14:14
App store icon Play store icon Play store icon
دادگای تەمیز بڕیاری لەسێدارەدانی بکوژی سێوان قادر و منداڵەکانی پەسەندکرد

ناس کورد-

داددگاى تەمیزى هەرێمى کوردستان لە دانیشتنى ئەمڕۆیدا لەبارەى دۆسیەى سێوان قادر و منداڵەکانى بڕیارى لەسێدارەدانى بکوژەکەى پەسەند کرد.

 

کەناڵی ناس کورد لە تێلیگرام جۆین بکە   

 

برایەکی سێوان قادر ڕایگەیاند، ئەمڕۆ لە دادگای تاوانەکانی سلێمانییەوە ئاگادارکراونەتەوە کە دادگای تەمیز بڕیاری لەسێدارەدانی هاوژینی سێوانی پەسەندکردووە کە تاوانبارە بە کوشتنی سێوان و سێ منداڵەکەی و داواشدەکات، سزاکە جێبەجێ بکرێت.

 

دانا قادر برای "سێوان قادر" ئەو ژنەی کە لە ساڵی 2018 خۆی و سێ منداڵی سوتان و بەهۆی سوتاویەکەیەوە گیانیان لەدەستدا (19ی نیسانی 2021) لە لێدوانێکدا بۆ "ناس کورد"  ڕایگەیاند، دوای ئەوەی لەلایەن دادگای سلێمانییەوە بڕیاری لە سێدارەدان بۆ هاوسەری سێوان دەرچوو دواتر بڕیارەکە لەلایەن دادگای تەمیز پێداچوونەوەی بۆ کراوەو ئەمڕۆ ئاگادار کراینەوە لەوەی لەلایەن دادگای تەمیز بڕیارەکە پەسەندکراوە.

 

باسی لەوەشکرد، بڕیارەکە جێگەی دەستخۆشییەو چاوەڕوانی ئەوەش دەکەین بڕیارەکەی لەسەر جێبەجێ بکرێت چونکە ئەم کەسە کوشتنی 4 کەسی کەوتووەتە ئەستۆ.

 

هاوکات کۆساڵان حەمە موراد پارێزەری کەیسی سێوان و منداڵەکانی رایگەیاندووە، دادگای تەمیز کە لە 15 دادوەر پێکهاتوون بڕیارەکەی داگای تاوانەکانی سلێمانییان پەسەند کردووە لەبارەی سزای لە سێدارەدان بۆ هاوسەکەرەکەی سێوان قادرو منداڵەکانی و ناردویەتییەوە بۆ سلێمانی و هاوکات پەڕاوەکانی تایبەت بە کەیسەکە رەوانەی سەرۆکایەتی هەرێمی کوردستان کراوە بۆ واژۆکردنی، لەئەگەری واژۆکردنی بڕیارەکە لەلایەن نێچیرڤان بارزانی سەرۆکی هەرێمەوە، بڕیاری لەسێدارەدانەکە جێبەجێدەکرێت، ئەوەشی وتووە، "هیچ رێگرییەک نییە لە جێبەجێکردنی بڕیاری لەسێدارەدانەکە، ئەگەر سەرۆکی هەرێم واژۆی بڕیارەکە نەکات دەبێ بۆ هەتاهەتایە حکومەت تاوانبارەکە بەخێو بکات".

 

شەوی 16ی کانوونی یەکەمی 2018 لە روداوێكی ئاگركەوتنەوەدا سێ منداڵ گیانیان لەدەستدا و دوای هەفتەیەك مانەوەش لە نەخۆشخانە، دایكی ئەو منداڵانە بە ناوی سێوان قادر بەهۆی سەختی سوتانەكەیەوە لە نەخۆشخانەی ئیمێرجینسی سلێمانی گیانی لەدەستدا.