گه‌ڕان

Shadow Shadow
سیاسه‌تی

وردەکاریى

پەرلەمانتارێكی شیعە لەسەر لێكەوتەی هێرشەكەی هەولێر ڕوونكردنەوە دەدات

2021.04.19 - 11:29
App store icon Play store icon Play store icon
پەرلەمانتارێكی شیعە لەسەر لێكەوتەی هێرشەكەی هەولێر ڕوونكردنەوە دەدات

ناس کورد-

حەسەن فەدعەم جەنابی كە وتبووی پریشكی تەقینەوەی هەولێر گەشتوەتە بازاڕی حەبیبیە لە شارۆچكەی سەدری بەغدا بە "ناس كورد"ی راگەیاند مەبەستی ئەوە نەبووە لەتۆڵەی هەولێر تەقینەوەی بەغدا كراوە.

 

کەناڵی ناس کورد لە تێلیگرام جۆین بکە   

 

حەسەن فەدعەم، كە پەرلەمانتارێكی لایەنگری حەشدی شەعبییە لەناو ڕەوتی حیكمەی عەممار حەكیم، ئەوەشی بۆ "ناس كورد" ڕوونكردەوە (19 نیسانی 2021) مەبەستم ئەوەبووە داعش كەڵكی لەو بارودۆخ و ئاوە لێڵەی پاش هێرشەكەی سەر هەولێر وەرگرتووە و لەبەغدا تەقینەوەی كردووە بۆ ئەوەی خەڵك وابزانن هەولێرە تۆڵەی لە بەغدا كردووەتەوە.

 

فەدعەم باسی لەوەشكرد "نەمزانیوە ئەو قسەیەم لێكدانەوەی هەڵەی بۆ دەكرێت و مەبەستم شتی خراپ نەبووە".

 

پاش ئەوەی بازارێكی هەژارنشینی شیعە لە شارۆچكەی سەدر تەقێنرایەوە ژمارەیەك كەسایەتی و میدیاكاری شیعە لە تۆڕە كۆمەڵایەتییەكان باسیان لەوەكرد، هەولێر بەوە تۆڵەی هێرشەكانی سەر خۆی دەكاتەوە، یەكێك لەوانەش تویتێكی پەرلەمانتار حەسەن فەدعەم بوو كە ئەو تەقینەوەی بەیەكترەوە پەیوەست كردوو.