گه‌ڕان

Shadow Shadow
سیاسه‌تی

وردەکاریى

پلاندانان کاریگەرى بەرزکردنەوەى نرخى دۆلار لەسەر هەڵکشانى ڕێژەى هەژارى دیارى دەکات 

2021.04.19 - 10:27
App store icon Play store icon Play store icon
پلاندانان کاریگەرى بەرزکردنەوەى نرخى دۆلار لەسەر هەڵکشانى ڕێژەى هەژارى دیارى دەکات 

ناس کورد- 

وەزارەتى پلاندانانى عێراق ڕایدەگەیەنێت، بەرزبونەوەى نرخى دۆلار ڕێژەى هەژارى بۆ 27% بەرزکردووەتەوە، دەشڵێت، پلانێکیان بۆ ماوەى 2 ساڵى داهاتوو داناوە بۆ چارەسەرکردنى بەشێک لەقەیرانەکان.

 

کەناڵی ناس کورد لە تێلیگرام جۆین بکە   

 

عەبدولزەهرە هەنداوى وتەبێژى وەزارەتى پلاندان لەلێدوانێکیدا بۆ ڕۆژنامەى سەباح (19ى نیسانى 2021) ڕایگەیاندووە، دواى بەرزکردنەوەى نرخى دۆلار ئاماژەکانى هەڵئاوسان بەڕێژەى 4.9 بۆ 5% بەرزبووەتەوە، بەڵام ئاماژەکانى ڕێژەى هەژاریش بۆ 26 بۆ 27 % بەرزبووەتەوە و گەر دواتریش داتا و ئاماژەى نوێتریش هەبێت وەزارەت ڕایاندەگەیەنێت.



ئاماژەى بۆ ئەوەش کردووە، وەزارەتى پلاندانان ئێستا دانانى پلانى چاکسازى و چارەسەر کردنى دۆخى ئاڵنگارییەکانى تەواو کردووە و هەروەها بەورى چاودێرى بارودۆخى ژیانى خه ڵکى دەکات بەهۆى قەیرانى دارایى وپەتاى کۆرۆناوە کە بووەتە هۆى بەرزبوونەوەى ڕێژەى هەژارى و هەڵئاوسانى ئابوورى.

 

بەوتەى هەنداوى ، ئەو پلانە تەمەنى دوو ساڵە لە 2021 ەوە بۆ ساڵى 2023 دەبێت و لەسەر 3 تەوەر کار دەکات، یەکەمیان، ڕێڕەوى ئابوورى کە کار بۆ پشتیوانى کەرتى تایبەت دەکات، دووەمیان ڕێڕەوى کۆمەڵایەتى کە کار بۆ پاڵشتى کردنى خزمەتگوزارییە هەمەلایەنەکان دەکات و ڕێڕەوى سیێەمیش چارەسەر کردنى کورتهێنان و نەبوونى گەشەپێدانە لەپارێزگاکان.



ئەوەش لەکاتێکدایە، لە 16 مانگى ئادارى ڕابردوو، وەزارەتى پلاندانان ئەوەى ڕاگەیاند، ڕێژەى هەژارى لەتێکڕاى دانیشتوانى وڵاتتدا بۆ 25 % دابەزیووە، دواى ئەوەى ساڵى 2020 ڕێژەکەى گەیشتووەتە 31.7%.