وردەکاریى کەوتنەخوارەوەى دوو کاتیۆشا لە کفرى لەکاتى بەربانگدا

ناس کورد-

لەکاتى بەربانگدا دوو کاتیۆشا لەناوەندى کفرى کەوتە خوارەوە و تا ئێستاش هۆکارى کەوتنە خوارەوەى کاتیۆشاکان نەزانراوە.

 

کەناڵی ناس کورد لە تێلیگرام جۆین بکە   

 

"ناس کورد" لەسەرچاوەیەکى ئەمنى شارۆچکەى کفرییەوە زانیوویەتى "دوو کاتیۆشا لەناوەندى شارۆچکەکە کەوتووەتە خوارەوە و ڕوداوەکە جگە لە زیانى ماددى زیانى گیانى لێ نەکەوتۆتەوە.

 

بەگوێرەى زانیارییەکانى سەرچاوەکەى "ناس کورد" یەکێک لە کاتیۆشاکان لە گەڕەکى ئیمام محەمەد و ئەوى تریان لەناو بازاڕى کفرى کەوتووەتە خوارەوە.

 

لەئێستادا هێزە ئەمنییەکان گەیشتوونەتە شوێنى کەوتنەوەى دوو کاتیۆشاکە و لێکۆڵینەوە لە رووداوەکە دەستى پێکردووە.