ناس کورد-
بەڕێوەبەرایەتی ئاسایشی ڕۆژئاوای سلێمانی ڕایگەیاند، ژنێک و شەش کەسی دیکەی بە تۆمەتی بازرگانیکردن و بەکارهێنانی مادەی هۆشبەر دەستگیرکردووە.
کەناڵی ناس کورد لە تێلیگرام جۆین بکە
لە ڕاگەیەنراوێکدا لەبەڕێوەبەرایەتی ئاسایشی ڕۆژئاوای سلێمانی (یەکشەممە 18ی نیسانی 2021) ڕایگەیاند، " لەماوەی 20 ڕۆژدا لە سنوری بەڕێوەبەرایەتیمان ژنێک و شەش کەسی دیکە لەڕەگەزی نێر دەستگیرکراون."
ئاماژەی بەوەشکردووە، "تۆمەتبارەکان دوو کەسیان بازرگانن و یەکێکیان دانیشتووی قەزای شەقڵاوەیە و بەهاوکاری و هەماهەنگی یاریدەرێتی ئاسایشی (تەقتەق)ی سەر بەبەڕێوەبەرایەتی ئاسایشی ڕۆژهەڵاتی هەولێر دەستگیرکراوە کە یەک کیلۆ و دووسەد غرام کریستاڵی پێبووە."
ئەوەشی خستووەتەڕوو، "پێنج کەسەکەی دیکەشیان بەکارهێنەرن و دانیشتووی ناوچە جیاوازەکانی هەرێمی کوردستانن ئەو ماددانەی بەکاریان هێناوە."
ئەوەش هاتووە، "سەرجەم تۆمەتبارەکان حەوت کەسن و بەفەرمانی دادوەری دادگەی لێکۆڵینەوەی چەمچەماڵ بەپێی ماددەکانی 26 و 30 لەیاسایی بەرەنگاربوونەوەی ماددە هۆشبەرو کارتێکارە عەقڵیەکان لەهەرێمی کوردستان ژمارە (1) ساڵی 2020 ڕاگیراون."
