گه‌ڕان

Shadow Shadow
سیاسه‌تی

زانیاریی زیاتر

وەزارەتی نەوت لەسەر تەقینەوەکانی کێڵگەی نەوتی بای حەىسەن لە کەرکوک ڕوونکردنەوە دەدات

2021.04.17 - 18:33
App store icon Play store icon Play store icon
وەزارەتی نەوت لەسەر تەقینەوەکانی کێڵگەی نەوتی بای حەىسەن لە کەرکوک ڕوونکردنەوە دەدات

ناس کورد-

وەزارەتی نەوتی عێراق ڕایگەیاند، پرۆسەی بەرهەمهێنان وهەناردەکردنی نەوت لە کێڵگە نەوتییەکانی پارێزگای کەرکوک بەردەوامە و بەهیچ شێوەیەک تەقینەوەکانی ئەم دواییەی کێڵگەی نەوتی "بای حەسەن" کاریگەری نەبووە لەسەر پڕۆسەکە، ئاماژەی بەوەشکرد، تەقینەوەکە زیانی گیانی و ماددی لێنەکەوتووەتەوە.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەندراوێکی وەزارەتی نەوتیی عێراق   ( 17ی نیسانی 2021) کە وێنەیەکی دەست" ناس کورد" کەوتووە، "لە ئاکامی کردەوەیەکی تیرۆرستی ترسنوکانەدا دوو بیرە نەوت لە کێڵگەی نەوتی بای حەسەن لە باکوری کەرکوک لەڕێگەی دوو بۆمبی چێنراو کراونەتە  ئامانج".

 

ئەوەشی خراوەتەڕوو،" کردەوە تیرۆرستییەکە هیچ زیانێکی ماددی و مرۆیی لێنەکەوەتەوەتەوە وپرۆسەی بەرهەمهێنان و هەناردەکردنی نەوت لە کێڵگە نەوتییەکانی پارێزگای کەرکوک  بەردەوامە و بەهیچ شێوەیەک تەقینەوەکانی ئەم دواییەی کێڵگەی نەوتی بای حەسەن کاریگەری نەبووە لەسەر پڕۆسەکە".

 

ڕاگەیەندراوەکەی وەزارەتی نەوتی عێراق لە کاتێکدایە کە ئەمڕۆ( 17ی نیسانی 2021) فەرهاد هەمزە، ئەندازیار لە کۆمپانیای نەوتی باکور لە لێدوانێکدا بۆ "ناس کورد" ڕایگەیاند، "بەهۆی ئەوەی ئەمڕۆ دەوامی فەرمی نییە زانیاری زۆر لەسەر تەقینەکەوەکە ئاشکرا نەکراوە، بەڵام پەیوەندیمان کردووەو ئەوەمان پێ ڕاگەیەنراوە تەقینەوەکە نەبووەتە هۆکاری ئاگر کەوتنەوە لە کێڵگەی نەوتی بای حەسەن."

 

باسی لەوەشکرد، هەرتەقینەوەیەک لە کێڵگە نەوتەکان ئاگر دروست نەکات کێشەکانی ڕەنگە بە ڕۆژێک چارەسەر بکرێت و بەوەش ئەم تەقینەوەی باسکراوە لە کێڵگەی نەوتی بای حەسەن لەماوەیەکەی کورتدا چارەسەر دەکرێت و کێشە بۆ هەناردەی نەوت دروست ناکات.

 

بەڵام سەرچاوەیەکی تر لە پۆلیسی نەوتی باکور ئاشکرای کرد کە تەقینەوەکە کاتژمێر هەشتی بەیانی ڕوویداوە، بووەتەهۆی دروستکردنی کێشەی هونەری لە بۆری گواستنەوەى نەوت لە هەردوو کێڵگەی 154 و 159، ئاگر لە کێڵگەکان کەوتوونەتەوە بەڵام هەرزوو کوژێنراونەتەوە. 

 

هاوکات چەند میدیایەکی عێراقی لە زاری سەرچاوەیەکی ئەمنییەوە دەڵێن، داعش تەقینەوەکانی ئەنجام داوە چونکە "زانیاری هەواڵگریی پێشوەختە هەبووە." 

 

 بەرهەمی هەردوو بیرەکە 20 هەزار بەرمیل نەوتی ڕۆژانەیە.