گه‌ڕان

Shadow Shadow
سیاسه‌تی

بەپەلە

وردەکاریی بێسەروشوێنبوونی پێشمەرگەیەکی کۆمەڵە لە سلێمانی

2021.04.17 - 16:44
App store icon Play store icon Play store icon
وردەکاریی بێسەروشوێنبوونی پێشمەرگەیەکی کۆمەڵە لە سلێمانی

ناس کورد- 

سەرچاوەیەک لە کۆمەڵەی شۆڕشگێڕی زەحمەتکێشانی کوردستانی ئێران ڕایگەیاند، ماوەی پێنج ڕۆژە پێشمەرگەیەکیان بێسەروشوێنە و ئۆتۆمبێلەکەشی لە شەقامی بازنەیی مەلیک مەحمود دۆزراوەتەوە، بۆیە گومان دەکەن ڕفێندرابێت و ئاسایش و دەزگا ئەمنییەکانی سلێمانیان لێ ئاگادارکردووەتەوە.

کەناڵی ناس کورد لە تێلیگرام جۆین بکە   

 

ئەو سەرچاوەیە کە نەیویست ناوی ئاشكرابکرێت (شەممە 17ی نیسانی 2021) بە "ناس کورد"ی ڕاگەیاند، "ڕۆژی سێشەممەی ڕابردوو پێشمەرگەیەکی کۆمەڵەی شۆڕشگێڕی زەحمەتکێشانی کوردستانی ئێران لە بارەگای حزبەکە لە ناوچەی زڕگوێز لە سلێمانی چووەتە دەرەوە و نەگەڕاوەتەوە." 

 

ئاماژەی بەوەشکرد، "هەر ئەو ڕۆژە ئۆتۆمبێلەکەی کە لە جۆری تۆیۆتا هایلۆکس بووە لە شەقامی بازنەیی مەلیک مەحمود نزیک گەڕەکی چوارچرا دۆزراوەتەوە و تەنانەت سویچەکەشی لەسەر بووە." 

 

باسی لەوەشکرد، "بەڵام پێشمەرگەکە کە ناوی 'سمکۆ بەنەفشی'یە خۆی لەوکاتەوە هیچ هەواڵێکی نییە و بێسەروشوێنە، بۆیە گوماندەکرێت ڕفێندرابێت." 

 

ناس کورد زانیویەتی، کۆمەڵەی شۆڕشگێڕی زەحمەتکێشانی کوردستان ئاسایش و دەزگا ئەمنییەکانی سلێمانی لە ڕووداوەکە ئاگادارکردووەتەوە، ئەوانیش داوایان لێکردوون هیچ لێدوانێک لەوبارەیەوە نەدەن و دان بەخۆیاندا بگرن تاوەکو دەگەن بە سەرەداوێک.