گه‌ڕان

Shadow Shadow
سیاسه‌تی

وردەکاریى

شوێنى فڕینى ئەو فڕۆکەیە ئاشکرا کرا کە فرۆکەخانەى هەولێرى بۆردومانکرد 

2021.04.15 - 14:46
App store icon Play store icon Play store icon
شوێنى فڕینى ئەو فڕۆکەیە ئاشکرا کرا کە فرۆکەخانەى هەولێرى بۆردومانکرد 

ناس کورد- 

لیژنەى ئاسایش و بەرگرى لەپەرلەمانى عێڕاق، زانیارى سەرەتایى و مەترسیدار لەسەر بەئامانج گرتنى فڕۆکەخانەى نێودەوڵەتى هەولێر ئاشکرا دەکات.

 

کەناڵی ناس کورد لە تێلیگرام جۆین بکە   

 

بەدر زیادى ئەندامى لیژنەى ئاسایش و بەرگرى لەپەرلەمانى عێراق (15ى نیسانى 2021) بەناوەندى هەواڵى نیشتیمانى ڕاگەیاندووە، بەپێى زانیارى و لێکۆڵینەوە بەراییە ئەمنیەکان فڕۆکەیەکى بێ فڕۆکەوان دوێنێ شەو فڕۆکەخانەکەى کردووەتە ئامانج لەشارى هەولێرەوە فڕیوە.

 

ئەو پەرلەمانتارە داواش دەکات، حکومەتى فیدراڵ و هەرێم هاریکارى یەکتر بکەن بۆ ڕاگرتنى ئەو پێشێلکارییانەى کە بەمدواییانە ئەنجامدەدرێن.

 

زیادى ئاماژەى بۆ ئەوەش کردووە، لێکەوتەى بەئامانج گرتنى فڕۆکەخانەى هەولێر بەشێوەیەکى بەردەوام، حکومەتى فیدراڵ و هەرێم بەتایبەتى لەبەردەم باڵیۆزخانە بیانیى و ئەمەریکییەکاندا لەهەرێم دەخاتە دۆخێکى بێزارکەرەوە.

 

ئەو ئەندامەى لیژنەى ئاسایش و بەرگرى دەشڵێت، بەئامانج گرتنى فڕۆکەخانەى هەولێر بەشێوەیەکى بەردەوام ، چەند لایەنێک لەپشتیەوەن کە هەوڵى کاریگەرى خستنە سەر پەیوەندییە ناوخۆییەکانى نێوان هەرێم و ناوەند دەدەن بۆیە پێویستە هەردوولا بەهاوبەشى بجوڵێن و لیژنەکەشیان ئیدانەى ئەو کارانە دەکات.