گه‌ڕان

Shadow Shadow
سیاسه‌تی

پێنج کاتژمێر وەستان

ناس ئامارى دواخستن و هەڵوەشاندنەوەى گەشتەکانى فڕۆکەخانەى هەولێر دواى هێرشەکە ئاشکرادەکات

2021.04.15 - 14:24
App store icon Play store icon Play store icon
ناس ئامارى دواخستن و هەڵوەشاندنەوەى گەشتەکانى فڕۆکەخانەى هەولێر دواى هێرشەکە ئاشکرادەکات

ناس کورد-

 

لەساتى روودانى هێرشەکەى سەر فڕۆکەخانەى هەولێرەوە تا ئەمڕۆ 14 گەشتى ئاسمانى لە فڕۆکەخانەکە دواخراون و هەڵوەشێنراونەتەوە، ئەوەش بەپێی بەدواداچوونى ناس کورد بۆ ئامارى گەشتەکانى فڕۆکەخانەکە.

کەناڵی ناس کورد لە تێلیگرام جۆین بکە   

 

گەشتەکانى فڕۆکەخانەکە سەرلەبەیانى ئەمڕۆ دەستیانپێکردەوە، دواى هێرشەکەى درەنگانى شەوى رابردوو کە لە رێگەى فڕۆکەى بێفڕۆکەوانەوە ئەنجامدرا.

 

بەپێی پێگەى فەرمى فڕۆکەخانەى نێودەوڵەتى هەولێر، لەدەوروبەرى روودانى هێرشەکەدا لەکاتژمێر 10ى شەوى رابردوو، دوو گەشتى چوون و هاتن ئەنجامدراون لەنێوان هەولێر لەگەڵ هەریەکە لە بەسرە و دیمەشق.

بەپێی ئامارەکانى فڕۆکەخانە، دواى هێرشەکە سێ گەشت دواخراون کە دوانیان بۆ بەغدا و یەکێکیان گەشتى هاتن بووە لە ئەستەنبوڵەوە.

دواى پێنج کاتژمێر لە راگرتنى گەشتەکان، کاتژمێر چوارى بەرەبەیان گەشتەکان دەستیان پێکردووەتەوە و یەکەم گەشت لە عەماننەوە گەیشتووەتە هەولێر و تا ئێستا پێنج گەشت ئەنجامدراون.

ئامارەکان دەریدەخەن، بەگشتى لەدواى هێرشەکەوە تا ئێستا سێ گەشت دواخراون و 11ى دیکەش هەڵوەشێنراونەتەوە.