گه‌ڕان

Shadow Shadow
سیاسه‌تی

هاتوچۆ وەڵام دەداتەوە

لەبارەی ئۆتۆمبێلە بێ سەرەتاکانەوە بڕیاردەدرێت.. ژمارەیان پێدەدرێت؟

2021.04.12 - 10:40
App store icon Play store icon Play store icon
لەبارەی ئۆتۆمبێلە بێ سەرەتاکانەوە بڕیاردەدرێت.. ژمارەیان پێدەدرێت؟

ناس کورد-

لەماوەی ڕابردوودا بەڕێوەبەرایەتی گشتیی هاتوچۆی هەرێم بڕیاریدا ئۆتۆمبێلە بێ سەرەتا و خوار مۆدێلەکان لای خۆی تۆمار بکات و فۆڕمی زانیارییان بۆ پڕبکاتەوە و لەو چوارچێوەیەدا زیاتر لە 19 هەزار ئۆتۆمبێل تۆمارکران.

کەناڵی ناس کورد لە تێلیگرام جۆین بکە   

 

ئەسعەد کەریم، وتەبێژی هاتوچۆی هەرێمی کوردستان (دووشەممە 12ی نیسانی 2021) بە "ناس کورد"ی ڕاگەیاند، "کۆبوونەوە و گفتوگۆی بەڕێوەبەرایەتی گشتیی هاتوچۆ لەگەڵ هاتوچۆی پارێزگاکان بەردەوامە بۆ بڕیاردان لەبارەی چارەنوسی ئۆتۆمبێلە بێ سەرەتا و خوار مۆدێلەکان."

 

وتیشی، "ناتوانرێت یەک بڕیار بۆ سەرجەم ئەو ئۆتۆمبێلانە دەربکرێت، چونکە جۆری ئۆتۆمبێلەکان جیاوازن، هەیانە تۆمارنەکراون و خوار مۆدێلن و بە قاچاخ هێنراون و گومرگیان نەدراوە، هەیانە گومرگی دراوە، بەڵام تۆمارنەکراوە یاخود ژمارەی بۆ نەکراوە لەگەڵ هەندێک جۆری دیکە."

 

لەبارەی ئەوەی ئەو ئۆتۆمبێلانە ژمارەیان پێدەدرێت، وتەبێژی هاتوچۆی هەرێم ڕوونیکردەوە، "وەک وتم بڕیاردان لەبارەی ئەو ئۆتۆمبێلانە جیاوازن و دەبێت بڕیاری جیاوازیان بۆ دەربکرێت، تائێستا دیارنییە ژمارەیان پێدەدرێت یان نا."

 

باسی لەوەشکرد، "گفتوگۆ لەوبارەیەوە بەردەوام دەبێت و لەگەڵ وەزارەتی ناوخۆشدا کۆدەبنەوە و بەمنزیکانە بڕیار لە چارەنوسی ئەو ئۆتۆمبێلانە دەدرێت."