گه‌ڕان

Shadow Shadow
سیاسه‌تی

’’وەرگرتنى پارە لە پارتى’’

ڕێکخەرى گۆڕان ’’داوایەکى فەرمى’’ لە پارتى و یەکێتى ئاشکرادەکات

2021.04.11 - 20:13
App store icon Play store icon Play store icon
ڕێکخەرى گۆڕان ’’داوایەکى فەرمى’’ لە پارتى و یەکێتى ئاشکرادەکات

ناس کورد-

 

ڕێکخەری گشتی بزوتنەوەی گۆڕان رایگەیاند، لە کۆبونەوەکانیان لەگەڵ یەکێتی و پارتی بەفەرمی داوایان لێکردون، کۆتایی بە قۆرخکاری بازاڕ بهێنن، جەختیشدەکاتەوە کە بابەتى وەرگرتنى پارە لە پارتى "هیچ بنەمایەکى نییە".

 

کەناڵی ناس کورد لە تێلیگرام جۆین بکە   

 

ئەو وتانەى عومەرى سەید عەلى رێکخەرى گۆڕان لەکۆبوونەوەیەکى ناوخۆیی بزوتنەوەکەدا بووە، ئەوەش بەپێی میدیاى فەرمى بزوتنەوەکە.

 

لە کۆبونەوەکەدا عومەر سەید عەلی سەبارەت بەدواین کۆبونەوەی لایەنە سیاسیەکان وتی "بەڕونی بە یەکێتی و پارتیمان وتوە هێزو پارە لای ئێوه‌یه‌ پێوستە کۆتای بە قۆرخکاری بازاڕ بهێنن و ڕێگریبکەن لە بەردەوامی قاچاخی سنورەکان و دۆخ و بژێوی خەڵک باشبکەن".

 

وتیشى "ئێمە هەمیشە ئامادەین گفتوگۆ لەگەڵ هەر کەسێک بکەین کە ڕەخنەی لە شێوازی کاری ئێمە هەیەو دەرگاشمان بەڕوی هەمو ئەو کەسانەدا کراوەیە کە دەیانەوێت بێنەوە ناو گۆڕان و لە ئۆرگانەکانیدا کاربکەن".

 

لە وەڵامی پرسیاری تایبەت بە وەرگرتنی پارە لە پارتى، رێکخەرى گۆڕان باسى لەوەکرد، وتەبێژی بروتنەوەی گۆڕان ڕونکردنەوەی پێوستی داوە "ئێمەش جەختدەکەینەوە، ھەواڵی وەرگرتنی بودجە، یاخود بڕە پارەیەک لە پارتی دیموکراتی کوردستان، یان ھەر حیزبێکی سیاسیی دیکە، زانیارییەکی ناڕاست و بێ بنەمایە".