گه‌ڕان

Shadow Shadow
سیاسه‌تی

زانیاریی زیاتر

سعودیە 3 سەربازى خۆى لەسێدارەدا

2021.04.10 - 23:34
App store icon Play store icon Play store icon
سعودیە 3 سەربازى خۆى لەسێدارەدا

ناس کورد- 

وەزارەتى بەرگریى سعودیە ئاشکرایکرد، سزاى لە سێدارەدان بەسەر 3 سەربازدا جێبەجێ کراوە کە تۆمەتى ناپاکیان لەسەر بووە و هاوکارى دوژمنیان کردووە.

کەناڵی ناس کورد لە تێلیگرام جۆین بکە   

 

وەزارەتى بەرگریى سعودیە (10ى نیسانى 2021) لە بەیاننامەیەکدا بڵاویکردووەتەوە، 3 سەرباز بەناوەکانى "محەمەد بن ئەحمەد بن یەحیا عام" و "شاهر بن عیسا بن قاسم حقوى" و "حەمود بن ئیبراهیم عەلى حازمى" تاوانى ناپاکى گەورەیان ئەنجامداوە، دواى لێکۆڵینەوە لەگەڵیاندا تۆمەتەکەیان بەسەردا ساغ بووەتەوە و هاوکارى دوژمنیان کردووە.

 

ئەوەش هاتووە، کارەکەیان زیانى بە بەرژەوەندییە سەربازیەکان گەیاندووە و ڕەوانەى دادگاى تایبەتمەند کراون، دواى ئیدانەکردنیان دادگا سزاى کوشتنى بەسەردا سەپاندوون.

 

وەزارەتى بەرگریى سعودیە ئەوەشى ئاشکرا کردووە، ڕۆژى شەممە 10ى نیسانى 2021 سزاکە بەسەر هەرسێ تاوانبارەکەدا جێبەجێ کراوە.