گه‌ڕان

Shadow Shadow
سیاسه‌تی

زانیاریی زیاتر

لەبارەی ئەژمارکردنی نمرەی نیوەی ساڵ بۆ هەموو ساڵەکە پەروەردەی عێراق ڕوونکردنەوە دەدات

2021.04.10 - 22:29
App store icon Play store icon Play store icon
لەبارەی ئەژمارکردنی نمرەی نیوەی ساڵ بۆ هەموو ساڵەکە پەروەردەی عێراق ڕوونکردنەوە دەدات

ناس کورد- 

وەزارەتى پەروەرى عێراق ئەو دەنگۆیانە ڕەتدەکاتەوە کە باس لەوەدەکەن پشت بە نمرەکانى نیوەى ساڵ دەبەسترێت لەبرى کۆتایى ساڵ بۆ قۆناغە ناکۆتاکان.

کەناڵی ناس کورد لە تێلیگرام جۆین بکە   

 

حەیدەر فاروق، وتەبێژى وەزارەتى پەروەردەى عێراق (10ى نیسانى 2021) لە بەیاننامەیەکدا باسى لەوەکردوە، لە تۆڕە کۆمەڵایەتیەکان نوسراوێکى بەڕێوەبەرایەتى گشتى ڕۆژ ژمێر و تاقیکردنەوەکان بڵاوکراوەتەوە کە باس لەوە دەکات لەبرى کۆتایى ساڵ پشت بە نمرەکانى نیوەى ساڵ دەبەسترێت بۆ قۆناغە ناکۆتاکان، ئەوەش سەرەڕاى نمرەکانى کۆرسى یەکەمى ئەمساڵ.

 

ڕونیشکراوەتەوە، نوسراوەکە باسى لەوەشکردبوو کە لەلایەن بەڕێوەبەرایەتیەکەوە تاقیکردنەوەکانى خولى دووەم دیارى دەکرێن، ئەو نوسراوە دورە لە ڕاستییەوە و هیچ نوسراوێکى فەرمى لەو بارەیەوە بوونى نییە، نوسراوەکە بۆ ساڵى ڕابردوو دەگەڕێتەوە، بەڵام یارى بە بەروارەکەى کراوە و ئەمساڵى لێدراوە.

 

وتەبێژى وەزارەتى بەروەردەى عێراق جەختیلەوەشکردووەتەوە، خوێندنى ئەمساڵ تائێستاش بەردەوامە بە شێوەى ئەلکترۆنى، بەردەوامیش دەبین لە بڵاوکردنەوە وانەکان و پێشکەشکردنیان لە ڕێگەى تەلەفزیۆنى پەروەردەیى.

 

باسى لەوەشکردووە، تا ئەم ساتەش خوێندنگا هەیە نمرەى نیوەى ساڵى نەداوەتەوە و دەفتەرى تاقیکردنەوەکان سەیر دەکەرێت و تۆمار دەکرێن، لە چەند ڕۆژى داهاتووشدا وەزارەتى بڕیارى تایبەت بە خوێندنى ئەمساڵ و کۆرسى دووەمى دەبێت.