گه‌ڕان

Shadow Shadow
سیاسه‌تی

وردەکاریى

سعودیە وادەى گەڕانى بۆ بینینى مانگى ڕەمەزان دیاری کرد

2021.04.09 - 17:57
App store icon Play store icon Play store icon
سعودیە وادەى گەڕانى بۆ بینینى مانگى ڕەمەزان دیاری کرد

ناس کورد- 

دادگاى باڵاى سعودیە بڕیاریدا لەشەوى یەکشەممەى داهاتووەوە کە دەکاتە بیستونۆهەمینى مانگى شەعبان و 11ى ئەم مانگە گەڕان بۆ بینینى مانگ دەستپێ بکات.

 

کەناڵی ناس کورد لە تێلیگرام جۆین بکە   

 

دادگاى باڵاى سعودیە (9ى نیسانى 2021) لەڕاگەیەندراوێکدا ئاماژەى بەوە کرد "دادگا داواى کردووە لەهەر کەسێک کە بەچاو یاخود لەڕێگەى دوربینەوە مانگ دەبینێت ئەوا نزیکترین دادگاى لێ ئاگادار بکاتەوە و شایەتیەکەى تۆمار بکات یاخود پەیوەندى بکات بەنزیکترین ناوەندەکانى هاریکارییەوە بۆ ئەوەى بگەیەنرێتە دادگا.

 

ئاماژەى بۆ ئەوەش کردووە، ئەگەر هاتوو شەوى یەکشەممە مانگ نەبینرا ئەوا شەوى دووشەممە گەڕانى بۆ دەکرێت کە دەکاتە سییەمین مانگى شەعبان ئەوەش بەپێى ڕۆژمێرى ئوم قوراى بیست و نۆهەمى مانگى شەعبان بەپێى بڕیارى دادگا.



راگەیەندراوەکە لەکاتێکدایە کە سەنتەری فەلەكی نێودەوڵەتی وڵاتانی ئیسلامی پۆلێن كردووە بۆ دوو گروپ لە دیاریكردنی سەرەتای ڕەمەزانی ئەمساڵ و پێشبینی دەكات زۆربەیان سێ شەممە 13 نیسان بكەنە یەكەم ڕۆژی ڕەمەزان.   

  

دوا شیكاری سەنتەرەكە كە بارەگاكەی لە ئیماراتە و "ناس كورد" خوێندنەوەی بۆ كردووە، ڕوونیدەكاتەوە، زۆربەی وڵاتانی ئیسلامی ئێوارەی دوو شەممە دەگەرێن بۆ مانگی رەمەزان، بەهۆی ئەوەشی ئەگەری دیتنی مانگ هەیە لەهەندێك بەشی جیهانی ئیسلامی پیشبینی دەكرێت زۆربەیان سێ شەممە 13 نیسان بكەنە ڕەمەزان.   

  

سەنتەرەكە ئەوەشی خستووەتەڕوو كە ئەو وڵاتانەی دیتنی چاوی ڕووت دەكەنە مەرج، چاوەڕوان دەكرێت ڕۆژی چوارشەممە 14 نیسانی 2021 بكەنە یەكەم ڕۆژی رەمەزان.   

  

سەنتەرەكە ئەوەش ڕووندەكاتەوە رۆژی دوو شەممە مانگی نوێی ڕەمەزان بەم جۆرە دەبێت: ئەبوزەبی 21 خولەك پاش خۆرئاوا ئاوا دەبێت، لە مەككە 23 خولەك و تەمەنی 14 كاتژمێر و 21 خولەك دەبێت. لە عەممان 22 خولەك، قاهیرە 23 خولەك، ریباتی مەغریب 29 خولەك، لە خەرتومی پایتەختی سودان 24 خولەك.   

  

لە مەرجەعیەتە شیعەكانیشەوە نووسینگەی سیستانی پێشبینی كردووە چوارشەممە 14 نیسانی 2021 یەكەم ڕۆژی ڕەمەزان بێت بەڵام ئایەتوڵڵا كەمال حەیدەری كە عێراقییەكی نیشتەجێی قومە رۆژی سێ شەممە 13 نیسانی بەیەكەم ڕۆژی ڕەمەزان راگەیاندووە بە پیشت بەستن بە زانستی فەلەك.