گه‌ڕان

Shadow Shadow
سیاسه‌تی

بەبۆنەی 9 نیسانەوە

سەدر لە تویتێكدا باس لە كوشتنی دەكات

2021.04.09 - 12:56
App store icon Play store icon Play store icon
سەدر لە تویتێكدا باس لە كوشتنی دەكات

ناس كورد_

موقتەدا سەدری رێبەری ڕەوتی سەدر لە تویتێكدا ڕایگەیاند: بەڵكە خوێنی من ببێتە دەسپێكی سەربەخۆیی و چاكسازیی. 

کەناڵی ناس کورد لە تێلیگرام جۆین بکە   

 

تویتەكەی سەدر كە ساڵڕۆژی كەوتنی بەعس و لەسێدارەدانی ئایەتوڵڵا محەمەد باقر سەدری ئامۆزای (9 نیسان) بڵاویكردووەتەوە باس لە قوربانیدانی بنەماڵەكەی دەكات بەدەستی ڕژێمی پێشوو كە جگە لەمامەكەی باوكیشیان كوشتووە و دەڵێت "بەڵكە خوێنی منیش ببێتە دەسپێكی سەربەخۆیی و چاكسازی". 

سەدر داواشی لە لایەنگرانی كردووە بەردەوام بن لەسەر رێبازەكەی تەنانەت ئەگەر ئەویش كوژرا و ئیلهام لە حوسێنی كوڕی عەلی وەرگرن كە هەڵگری دروشمی (هیهات منا الذلة) بووە. 

 

سەدر كە لەدایكبووی ساڵی 1974ی زاینییە رێبەری جەماوەریترین ڕەوتی شیعەیە كە جگە لە 52 كورسی ئەنجومەنی نوێنەران بالێكی سەربازیشی هەیە بەناوی (سرایا السلام) كە درێژكراوەی "سوپای مەهدی" یە و لەساڵانی جەنگی تایفیدا 2006_ 2008 تۆمەتی زۆری كۆمەڵكوژی و پاكتاوی سوننەكانی دراوەتە پاڵ. 

بەمدواییانەش سەدر كەوتووەتە كێشەی زۆرەوە لەگەڵ ئەو باڵە شیعە سەربازیانەی لێی جیابوونەتەوە لەوانەش عەسایبی قەیس خەزعەلی و هەندێك لە میلیشیاكانیتری شوێنكەوتەی ئێران. لەسەر ئاستی جەماوەرییش كێشەی زۆری لەگەڵ گەنجانی خۆپیشاندەری تشرینی 2019 بۆ دروستبووە پاش ئەوەی لەسەرەتادا لەیەك بەرەدا بوون.