گه‌ڕان

Shadow Shadow
سیاسه‌تی

بەپێی گرێبەستێک 36 فڕۆکەی جەنگی ڕادەستدەکرێت

کاروانێک فڕۆکەی شەڕکەری فەڕەنسی ڕادەستی قەتەر کران

2019.06.06 - 12:09
App store icon Play store icon Play store icon
کاروانێک فڕۆکەی شەڕکەری فەڕەنسی ڕادەستی قەتەر کران

کەناڵی ناس کورد لە تێلیگرام جۆین بکە   

ناس کورد لە ساڵیای گەمارۆکەی سەر قەتەر کاروانێک فڕۆکەی شەڕکەری جۆری Rafale ڕادەستی قەتەر کران. . ئاژانسی فەرمی  قەتەر QNA بڵاویکردەوە، دوێنێ چوارشەممە 5ی حوزەیرانی 2019 ژمارەیەک فڕۆکەی شەڕکەری Rafale لە چوارچێوەی ئەو گرێبەستەی ساڵی 2015 ئەنجامدرابوو ڕادەستی ئەو وڵاتە کراون. . ڕادەستکردنەکە له‌ رێوڕه‌سمێکی فەرمیدا  له‌ بنكه‌ی ئاسمانی دوهان ئەنجامدراوە کە هه‌ریه‌ك له‌ شێخ ته‌میم بن حامد میری قه‌ته‌ر، ئالسانی، خالید بن محه‌مه‌د ئه‌لعه‌تییه‌ وه‌زیری به‌رگری و سه‌رۆكی ئه‌ركانی سوپا به‌شدارییان تیادا كردوە. . ئاژانسەکە ئاماژەی بەژمارەی ئەو فڕۆکانە نەکردووە کە لەم کاروانەدا ڕادەست کراون بەڵام بەپێی زانیاری میدیاکان، ساڵی 2015 گرێبەستی کڕینی 24 فڕۆکە واژووکراوە و دواتر ژمارەکە بۆ 36 فڕۆکە زیادکراوە. . وادەی ڕادەستکردنەکە هاوکات بوو لەگەڵ دووەمین ساڵیادی ئەو گەمارۆ ئابورییەی خرایە سەر قەتەر، پێشتر لە مانگی شوباتدا کاروانێکی دیکەی ڕادەستکرابوو. . هەر یەکە لە سعوودیه‌، ئیمارات، به‌حرێن و میسر له‌ 5ی حوزه‌یرانی 2017 هه‌موو په‌یوه‌ندییه‌ دیپلۆماتییه‌كانیان له‌گه‌ڵ قه‌ته‌ر بڕی و گه‌مارۆی ئابوورییان خسته‌ سه‌ر ئه‌و وڵاته‌، ئه‌مه‌ش كێشه‌ی ناوچه‌ی كه‌نداوی به‌دوای خۆیدا هێنا.