گه‌ڕان

Shadow Shadow
سیاسه‌تی

’دەوروبەرەکەشى دەستگیرکراون’

یەکەم لێدوانى فەرمى حکومەتى ئەردەن لەبارەى دەستگیرکردنى شازادە حەمزە 

2021.04.04 - 17:27
App store icon Play store icon Play store icon
یەکەم لێدوانى فەرمى حکومەتى ئەردەن لەبارەى دەستگیرکردنى شازادە حەمزە 

ناس کورد- 

حکومەتى ئەردەن ڕایگەیاند، شازادە حەمزە و گروپێکى دەورووبەرى بەهەوڵى ئەنجامدانى کودەتا دەستگیرکراون و ڕەوانەى دادگاى ئاسایشى وڵات دەکرێن.

 

کەناڵی ناس کورد لە تێلیگرام جۆین بکە   

 

ئەیمەن سەفدى جێگرى سەرۆک وەزیرانى ئەردەن (4ى نیسانى 2021) لەمیانەى ئەنجامدانى کۆنگرەیەکى ڕۆژنامەوانیدا ئاماژەى بەوە کرد، شازادە حەمزە و چەند کەسێکى تر بەهەوڵى پیلانگێڕى لەدژى شانشینى ئەو وڵاتە تێوە گلاون و دەیاندەن بەدادگا.

 

وتیشى، کۆنترۆڵى جموجۆڵەکانى ئەوانە کراوە کە ویستویانە پلانەکانیان جێبەجێ بکەن و ئەو گروپەش پەیوەندییان بە باسم عوزەڵاوە هەیە کە لە دەرەوە دەجوڵێنرێن.

 

باسى لەوەش کرد، شازادە حەمزە داواکارییەکانى بۆ مامەڵە نەکردن لەگەڵ ئەو کەسانەدا کە زیان بەئاسایشى ئەردەن دەگەیەنن پشتگوێ خستووە و بەهاندان تێوە گلاوە.



جێگرى سەرۆک وەزیران ئەوەشى خستووەتەڕوو، گوێ لەپەیوەندییەکانى باسم عوزەڵا و حەسەن بن زاید و شازادە حەمزە گیراوە و هەروەها بەڵگەى پەیوەندیکردن لەگەڵ چەند کەسایەتیەکى ترى بیانیدا لەگەڵ هاوسەرى شازادە حەمزە بەردەستخراوە و هەوڵى دابینکردنى فڕۆکەیەکى تایبەتى بۆ دراوە بەمەبەستى هەڵهاتنى بۆ دەرەوەى ئەردەن و نزیکەکانى شازادە حەمزەش دەستگیرکراون.

 

ئەمڕۆ دەنگۆى ئەوە بڵاوکرایەوە لەلایەن شازادە حەمزە زڕبراى شا عەبدوڵاى دووەمى ئەردەنەوە پلانى ئەنجامدانى کودەتاى سەربازى دژى شاى ئەو وڵاتە داڕێژراوە و بەو هۆیەشەوە دەستگیرکراوە و لەکاردانەوەیەکیشدا شازادە حەمزە لەسەر وردەکارییەکانى ئەو دەنگۆیانە گرتەیەکى ڤیدیۆیى بڵاوکردەوە و ڕەتیکردەوە هەوڵى کودەتاى دابێت.