گه‌ڕان

Shadow Shadow
سیاسه‌تی

شەپۆلێکی گەرما بەڕێوەیە

شەپۆلێکی گەرما ڕوو لە هەرێم دەکات و پلەی گەرمی دەگاتە 35

2021.04.03 - 19:55
App store icon Play store icon Play store icon
شەپۆلێکی گەرما ڕوو لە هەرێم دەکات و پلەی گەرمی دەگاتە 35

ناس کورد-

بەگوێرەی سەرچاوە کەشناسییەکان، لە سبەی یەکشەممەوە شەپۆلێکی گەرما ڕوودەکاتە ناوچەکانی هەرێم و پلەی گەرما دەکاتە 35 پلەی سیلیزی، تاوەکو 10ی نیسانیش هیچ پێشبینییەک بۆ بارانبارین نییە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ئاراس جەبار، شارەزای بواری کەشناسی (شەممە 3ی نیسانی 2021) ڕایگەیاند، " لە ئەنجامی زاڵبوونی کاریگەری بەرزە پاڵەپەستۆیەک لە سبەی یەکشەمەوە رێکەوتی 4ی نیسان کەشی ھەرێم سەقامگیر دەبێتەوە و ئاسمانی ناوچەکەش لە زۆربەی کات و رۆژەکان ساماڵ دەبێت و پلەکانی گەرمی قۆناغ بە قۆناغ ڕوو لەبەرزبوونەوە دەکاتەوە."

 

ئاماژەی بەوەشکردووە، "لە رۆژانی چوارشەممە و پێنجشەمە 7 و 8ی ئەم مانگە و کۆتای ئەمھەفتەیە بارستە ھەوایەکی گەرم روو لە ناوچەکانی عێراق و ھەرێمی کوردستان دەکات پێشبینی دەکەین بۆ ماوەی چوار رۆژ کاریگەری ھەبێت لە سەرناوچەکانمان بەتایبەت لە رۆژی پێنجشەمەدا کە چەقی بارستە ھەوا گەرمەکە دەبێت و پلەکانی گەرما لە سەنتەری پارێزگاکانی ھەرێم بۆ زیاتر لە 30 پلەی سیلیزی بەرزدەبنەوە و لەناوچە نزمەکانی وەک سنوری ئیدارەی گەرمیان و کەرکوک باشوری ھەولێر تا زیاتر لە 35 پلەی سیلیزی بەرزبوونەوە لە پلەکانی گەرمی روودەدات و کەشێکی ھاوینەی و گەرم ناوچەکە دەگرێتەوە لەو مەودایەدا . "

 

ئەوەشی خستووەتەڕوو، "سەبارەت بە بارانبارین تا رێکەوتی 10ی نیسان پێشبینی دەکرێت کەش بە شێوەیەکی سەقامگیر بمێنێتەوە و شەپۆلی بارانبارین ناوچەکانمان نەگرێتەوە ."