گه‌ڕان

Shadow Shadow
سیاسه‌تی

ئاسایشی سلێمانی ڕوونکردنەوە لەسەر دەستگیرکردنی هاوڕەگەزخوازان دەدەن

2021.04.02 - 16:28
App store icon Play store icon Play store icon
ئاسایشی سلێمانی ڕوونکردنەوە لەسەر دەستگیرکردنی هاوڕەگەزخوازان دەدەن

ناس کورد-

ئاسایشی سلێمانی ڕایگەیاند، هەڵمەتەکەى شەوی ڕابردوویان لە گەڕەکی سەرچنار بۆ نەهێشتنی دیاردەى لەشفرۆشی لەسەر داوای خەڵکی ئەو گەڕەکە بووە و مەبەستیان "هیچ توێژ و چینێکی تر نەبووە." 

کەناڵی ناس کورد لە تێلیگرام جۆین بکە   

 

بەڕێوەبەرایەتی ئاسایشی پارێزگای سلێمانی لە ڕوونکردنەوەیەکدا کە کۆپییەکی دەستی "ناس کورد" کەوتووە (2ی نیسانی 2021) ئاشکرای کردووە، "شەوی ڕابردوو هێزەکانمان هەڵمەتێکیان دەستپێکرد بۆ نەهێشتنی دیاردەی لەشفرۆشی لە یەکێک لە ناوچەکانی سلێمانی لەسەر داوای زۆرێک لە هاوڵاتیانی ئەو گەڕەکەى کە دیاردەى تێدا زۆر بوو بوو، هەروەها بوو بووە هۆی بێزارکردنیان."

 

دەشڵێت، "بۆیە ئێمەش وەک پیشە و ئەرکی هەمیشەییمان و لەپێناو سەقامگیری و چوون بەدەم داواکاری هاوڵاتیان، هێزەکانمان هەڵمەتێکیان ئەنجام دا تەنها بۆ نەهێشتنی ئەو دیاردەیە و مەبەست و ئامانجمان هیچ توێژ و چینێکی تر نەبووە."

Screenshot 2021-04-02 160450.jpg

 

ئەوە لەکاتێکدایە شەوی ڕابردوو عەمید پشتیوان بەهادین کە سەرپەرشتی هەڵمەتەکەی کرد بە "ناس کورد"ی ڕاگەیاند، "دوای وەرگرتنی ڕەزامەندی دادوەری لێکۆڵینەوە هەستاوین بە ئەنجامدانی هەڵمەتێک بۆ دەستگیرکردنی ئەو کەسانەی کە هاوڕەگەزخوازن و هەروەها پەروەردە کردنەوەیان."      

  

 

بەڵام لە ڕوونکردنەوەکەی ئاسایشدا هاتووە کە ئەوان مەبەست و ئامانجیان "هیچ چین و توێژێک" نەبووە، وەک ئاماژەیەک بۆ هاوڕەگەزخوازان.