ناس کورد-
وەزارەتى پێشمەرگەى حکومەتى هەرێمى کوردستان دەستکردن بە دابەشکردنى سێ موچەى لیواکانى هێزەکانى پێشمەرگەى راگەیاند.
کەناڵی ناس کورد لە تێلیگرام جۆین بکە
وەزارەتى پێشمەرگە (1ى نیسانى 2021) لە راگەیەندراوێکدا ئاماژەى بەوە کرد "دوای چاوەڕوانیەکی زۆر ئەمڕۆ 1 ی نیسان دەستکرا بەدابەشکردنی سێ موچەی لیواکانی پیادەی وەزارەتی پێشمەرگە".
بڕیاربوو مانگی ڕابردوو سێ موچەی لیوا هاوبەشەکانی وەزارەتی پێشمەرگە بەسەریەکەوە و بەبێ لێبڕین دابەش بکرێت.
پێشتر لیوا قارەمان كەمال، جێگری سوپاسالاری پێشمەرگە (27ی ئازاری 2021) بە "ناس کورد"ی ڕاگەیاند "دواكەوتنی پارەی ئەمەریكا بۆ موچەی لیوا ھاوبەشەكانی پێشمەرگە، ھیچ كێشەیەكی نییە و تەنھا ھۆكارەكەی تەكنیكییە، ئەگەر نا ئەمەریكا پارەکە ڕەوانە دەكات".
