گه‌ڕان

Shadow Shadow
سیاسه‌تی

وردەکاریى

بکوژى دوو خوشکەکەى چەمچەماڵ باوکیان دەرچوو

2021.03.30 - 10:09
App store icon Play store icon Play store icon
بکوژى دوو خوشکەکەى چەمچەماڵ باوکیان دەرچوو

ناس کورد-

بکوژی ئەو دوو خوشکەی لە سەرەتای مانگی ئەیلولی 2020 لە چەمچەماڵ کوژران کە دەکاتە باوکیان خۆی ڕادەستی هێزەکانی پۆلیس کرد.

 

کەناڵی ناس کورد لە تێلیگرام جۆین بکە   

 

بەڕێوەبەرایەتی گشتی پۆلیسی سلێمانی (30ی ئازاری 2021) لە ڕاگەیەنراوێکدا کە وێنەیەکی دەست "ناس کورد" کەوتووە  ڕایگەیاند، دوای ئەوەی لەسەرەتای مانگی ئەیلولی 2020، دو خوشك لەقەزای چەمچەماڵ كوژران، بەتۆمەتی كوشتنی كچەكان دادوەری لێكۆڵینەوە بڕیاری دەستگیركردنی بۆ باوكی كچەكان دەركرد، بەڵام تۆمەتبار بۆ شوێنێكی نادیار هەڵاتبو، هێزەكانی بەشی پۆلیسی چەمچەماڵ بەردەوامبون لەلێكۆڵینەوەكانیان بۆ دۆزینەوەی شوێنی تۆمەتبار، سەرئەنجام لەژێر فشاری هێزەكانی پۆلیسدا باوكی دو خوشكەكە خۆی ڕادەستی هێزەكانی پۆلیس كرد.

 

باس لەوەشکراوە، تۆمەتبار (ف، ح، ش) لەبەردەم دادوەری لێكۆڵینەوەدا دانی بەتاوانەكەیدا ناوەو لەئێستادا بەبڕیاری بەڕێز دادوەر ڕاگیراوەو لێكۆڵینەوەكان لەگەڵیدا بەردەوامە.

 

لەسەرەتای مانگی ئەیلولی 2020 تەرمی دوو خوشك دوای دیار نەمانیان بۆماوەی چوار ڕۆژ لە گوندی ئیبراهیم ئاغای سنووری قەزای چەمچەماڵ لە گۆڕستانێكی كۆنی سنوورەكە دۆزرانەوە، دواتر لەلایەن ئیدارەی چەمچەماڵەوە تەرمی ئەو دوو كچە بەخاكسپێردران.