گه‌ڕان

Shadow Shadow
سیاسه‌تی

وردەکاریی

کۆچى نێودەوڵەتى: لەماوەى 7 ساڵدا 22 هەزار کۆچبەر لەڕێگا ئاوییەکاندا خنکاون

2021.03.26 - 23:33
App store icon Play store icon Play store icon
کۆچى نێودەوڵەتى: لەماوەى 7 ساڵدا 22 هەزار کۆچبەر لەڕێگا ئاوییەکاندا خنکاون

ناس کورد- 

ڕێکخراوى کۆچى نێودەوڵەتى ئامارێکى لەبارەى قوربانیانى ڕێگاى کۆچى پەنابەران بەرەو ئەوروپا بڵاوکردەوە و ئەوەى ئاشکرا کرد، لەماوەى 7 ساڵدا زیاتر لە 22 هەزار پەنابەر لەڕێگا ئاوییەکاندا خنکاون.

کەناڵی ناس کورد لە تێلیگرام جۆین بکە   

 

لەڕاگەیەنراوێکدا ڕێکخراوى کۆچى نێودەوڵەتىی سەربەنەتەوە یەکگرتووەکان (26ى ئادارى 2021) ڕایگەیاندووە،  لەماوەى ساڵى ڕابردوودا 2 هەزار و 276 پەنابەر کە هەوڵیانداوە  لەڕێگەى دەریاوە بپەڕنەوە بەرەو ئەوروپا، بەڵام خنکاون و گیانیان لەدەستداوە.

 

ئاماژەى بۆ ئەوەشکردووە، ساڵى 2020، 86 هەزار و 448 کەس لەڕێگەى دەریاوە خۆیان گەیاندووەتە ئەوروپا و ڕێگرى لەزیاتر 52 هەزار پەنابەریش کراوە لەدەریاکاندا.

 

کۆچى نێودەوڵەتى دەشڵێت، ڕێگاى دەریایی بەرەو دوورگەى کەنارى بووەتە سەرچاوەی دڵەڕاوکێ بۆ مەترسییەکان بەسەر پەنابەراندا بەهۆى ئەوەى ژمارەیەکى زۆر لەو ڕێگایەدا لە ساڵى 2020 بوونەتە قوربانى سەربارى داخستنى ڕێگا و قەدەغەکارى بەهۆى پەتاى کۆرۆناوە.

 

ڕێکخراوەکە ئەوەشى ئاشکرا کردووە، لەساڵى 2014-ەوە زیاتر لە 22 هەزار پەنابەر لەڕێگا ئاوییە سەرەکییەکان کە چوار ڕێگەن بەرەو ئەوروپا، خنکاون، ئەوانیش ڕێگاى ئاویى دەریاى ناوەڕاست بۆ ئیتاڵیا و ماڵتا و ڕێگاى خۆرهەڵاتى دەریاى ناوەڕاست لەتورکیاوە بۆ یۆنان و ڕێگاى خۆرئاواى دەریاکە بۆ ئیسپانیا و رێگاى ئەتڵەسى بۆ دوورگەى کەنارى.

 

ڕێکخراوەکە باسى لەوەش کردووە، قەیرانى ڕاستەقینە کە ئەو ڕێگا دەریاییانە بەرەو ئەوروپا دروستیان کردووە نەبوونى سیاسەتێکى یەگکرتووى یەکێتى و ئەوروپا و یەکێتى ئەفریقیایە کە قەیرانى کۆچ ئیدارە بدات.