گه‌ڕان

Shadow Shadow
سیاسه‌تی

راستییەكە بزانە

سۆشیال میدیا: پاسەوانی گۆڕەكەی نەوال سەعداوی لەتاو هاواری شەوانە هەڵهات!

2021.03.26 - 23:31
App store icon Play store icon Play store icon
سۆشیال میدیا: پاسەوانی گۆڕەكەی نەوال سەعداوی لەتاو هاواری شەوانە هەڵهات!

ناس كورد_

پاسەوانی گۆڕی ژنە نوسەری میسری نەوال سەعداوی كە چەند ڕۆژێك بەر لەئێستا كۆچی دوایی كرد هەڵهات و بەرگەی هاوارە ترسناكەكانی شەوانی گۆڕەكەی نەگرت. ئەمە هەواڵێكە لە سوشیال میدیای عەرەبی بڵاوبوو، بەڵام ڕاستییەكە بەمجۆرەی خوارەوەیە:

کەناڵی ناس کورد لە تێلیگرام جۆین بکە   

 

بەدواداچوونە میدیاییەكان ئەوە ئاشكرا دەكەن ئەو قسەو باسانە هیچ بنەمایەكیان نییە، هەندێ وێنەش تێكەڵ و پێكەڵ كراون كە بۆ ئەوەی وادەربكەوێت نەوال سەعداوی لەگۆڕدا مارو دووپشك دەورەیان داوە.

 

بەپێی ئەو بەدواداچوونانەشی "ناس" لەرێگەی "مسبار" ـەوە كردوویەتی پاسەوانی گۆڕی نەوال سەعداوی هیچ لێدوانێكی نەداوە و كچەكەی د. مونا حیلمی لە پەیجی خۆی "فەیسبوك" نووسیویەتی، خێزانەكەیان رازی نەبوون بە مەراسیمی ناشتن لەسەر ئەو داب و نەرێتەی كە باوە لەسەر وەسێتی سەعداوی خۆی، هەر لەبەر ئەوەش دوور لەچاوی كامێرا و قەرەباڵغی بەخاك سپێردراوە لە گۆڕستانی تایبەتی خێزانەكەی.

نەوال سەعداوی، پزیشک و نووسەر و چالاكی مافەکانی ژنان لە تەمەنی 89 ساڵیدا لە شاری قاهیرەی پایتەختی میسر (22 ئازاری 2021) کۆچی دوایی کرد. 
 
سەعداوی كە كێشەی زۆری لەگەڵ ئیسلامی و هێزە ئاینییەكاندا هەبوو دوو ساڵ لەمەوبەر لە دیمانەیەکی تەلەڤزیۆنیدا خوازیاری ئەوە بوو چەند ئایەتێکی قورئان دەستکاری بکرێت ئەمەش پەرچەكرداری زۆری لێ كەوتەوە. بەهۆی بەرەنگاربوونەوەی دابونەرێت و نووسینە توند و ڕەخنەگرانەكانیشی لەكاتی مردنیدا مشتومڕێكی گەورەی لەنێوان خەڵكی ئایندار و خەڵكانی سیكۆلاریستدا دروست كرد.
صورة متعلقة توضيحية
 

 

me_ga.php?id=2973