گه‌ڕان

Shadow Shadow
سیاسه‌تی

فراکسیۆنەکەى خەمیس خەنجەر مەرجێکى بۆ دەنگدان بەپڕۆژە یاساى بودجە دیاریکرد

2021.03.26 - 22:16
App store icon Play store icon Play store icon
فراکسیۆنەکەى خەمیس خەنجەر مەرجێکى بۆ دەنگدان بەپڕۆژە یاساى بودجە دیاریکرد

ناس کورد-

فراکسیۆنى "پڕۆژەى عەرەبى" بەسەرۆکایەتى خەمیس خەنجەر مەرجێکى دیاریکرد بۆ دەنگدان بە پڕۆژەیاسای بودجەی عێراق کە پەیوەندى بەنرخى دینارەەوە هەیە.

کەناڵی ناس کورد لە تێلیگرام جۆین بکە   

 

لەڕاگەیەنراوێکدا کە وێنەیەکی دەست "ناس کورد" کەوتووە (26ى ئادارى 2021) ئەحمەد مەدلول، سەرۆکى فراکسیۆنى پڕۆژەى عەرەبى لەپەرلەمانى عێراق ڕایگەیاندووە، ئەگەر نرخى دۆلار لەبودجەدا بەبڕى 125 هەزار دینار دیاری نەکرێت ئەوا دەنگ بەو پڕۆژە یاساییە نادەن.

 

ئاماژەى بۆ ئەوەشکردووە، لەڕۆژى 18ى ئەم مانگەوە وەکو فراکسیۆنەکەیان هەڵوێستیان بەڕاشکاوى ڕاگەیاندووە کە ئەگەر بەو شێوەیە نرخى دۆلار لەپڕۆژەکەدا جێگیر نەکرێت ئەوا بایکۆتى دانیشتنى پەرلەمان دەکەن و دەنگى پێنادەن و ئەمڕۆش جەخت لەسەر هەمان هەلوێستی پێشوویان دەکەنەوە.

 

بڕیارە ڕۆژی یەکشەممەی داهاتوو دانیشتنی پەرلەمان بۆ دەنگدان بە پڕۆژەیاسای بودجەی عێراق ئەنجامبدرێت، بەڵام دیارنییە بەهۆی ناکۆکییەکانەوە جارێکیتر دانیشتنەکە دوادەخرێت یاخود نا.