ناس کورد-
بەڕێوەبەرایەتی پەروەردەی ڕۆژهەڵاتی سلێمانی ئاگادارییەکی بەپەلەی بڵاوکردەوە و داوا لە بەڕێوەبەرانی سەرجەم قوتابخانەکان دەکات بەپەلە خشتەی تاقیکردنەوەی نیوەی وەرز دابنێن و خوێندکارانی لێ ئاگادار بکەنەوە.
کەناڵی ناس کورد لە تێلیگرام جۆین بکە
لە ڕاگەیەنراوێکدا بەڕیوەبەرایەتی پەروەردەی ڕۆژهەڵاتی سلێمانی (پێنجشەممە 25ی ئازاری 2021) ڕایگەیاند، "ئاگاداری سەرجەم بەریوبەری قوتابخانە بنەرەتی و خویندنگا ئامادەیی و ئامادەیییە پیشەییەکانی سنوری بەریوبەریتیمان دەکەینەوە کە بەپەلە و بێ دواکەوتن رۆژی شەممە دەستەی کارگیری قوتابخانە و خویندنگا کۆبوونەوە ئەنجام بدەن ھەر ئەو رۆژە خشتەی تاقیکردنەوەکانی نیوەی وەرز واتا (20)نمرە کە دابنێن و خویندکارانی لێ ئاگاداربکەنەوە."
ئاماژەی بەوەشکردووە، هاوکات ئەم خالانە جێ بەجێ بکەن:
١-ئەو قوتابخانانەی تاقیکردنەوەی 20 نمرەکەی کردووە و تەواو بووە پیوست ناکات دەوام بکەن.
٢-ئەو قوتابخانە و خویندنگایانەی کە ھەندیکیان کردووە وھەندیکیان ماوە بەزووترین کات لەماوەی ئەم ھەفتەیەدا دەبیت تەوای بکەن.
٣- ئەو قوتبخانە بنەڕەتی و خویندنگا ئامادەییانەی کە ھیچ تاقیکردنەوەیەکان نەکردووە دەبێت لەرۆژی یەکشەممەوە دەست پێ بکەن بەبێ دواکەوتن ھەتا یەک ھەفتە کۆتایی پێ بھینن و مامۆستایان و خوینکارانی لێ ئاگادار بکەنەوە ھەر ئەمشەو.
٤- مامۆستایان ئاگادار بکەنەوە ھەر ئەمشەو بۆ ھێنانی پرسیار بۆ رۆژی شەممە.
٥- خویندگاران کە تاقیکردنەوەیان ئەنجام دا دەبێت یەکسەر ڕەوانەی مالەوە بکرێنەوە و بەھیچ شیوەیەک خویندکار ناهێڵدرێتەوە بۆ وانە وتنەوە و خویندن.
٦- چی خویندراوە تەنھا لەوەدا پرسیار دادەنرێت بابەت نەخوێدنرابێت نابێت پرسیاری تیدا بێتەوە، چونکە دوای مامۆستای بابەت ودەستەی کارگیری بەرپرسیار دەبێت.
٧-بازنەی یەکەم واتا پۆلەکانی ( یەکەم و دووەم و سێیەم ) ھەلسەنگاندیان ھەیە لای مامۆستای بابەت کەلەماوەی ئەو مانگەدا کەدەوامیان کردووە بۆیان دادەنێت، نمرە دەدات بەدەستەی کارگیری نابێت دەوام بکەن تکایە.
