گه‌ڕان

Shadow Shadow
سیاسه‌تی

زانیاری زیاتر

لەبارەی ئەنجامدانی فەریزەی حەجی ئەمساڵ ڕوونکردنەوە دەدرێت

2021.03.23 - 22:05
App store icon Play store icon Play store icon
لەبارەی ئەنجامدانی فەریزەی حەجی ئەمساڵ ڕوونکردنەوە دەدرێت

 

ناس کورد-

دەستەی حەج و عومرەی عێراق ڕایگەیاند، ئامادەیی تەواویان تێدایە بۆ ناردنی حاجیان بۆ سعودیە و ئەنجامدانی فەریزەی حەج بە ڕێنمایی تەندروستییەوە و بۆ ئەو مەبەستەش نوسراویان ئاڕاستەی سعودیە کردووە، بەڵام تاوەکو ئێستا ئەوان وەڵامی فەرمیان نەداونەتەوە کە ئەمساڵ فەریزەی حەج ئەنجامدەدرێت یاخود نا.  

 

کەناڵی ناس کورد لە تێلیگرام جۆین بکە   

 

حەسەن کەنانی، وتەبێژی دەستەی حەج و عومرەی عێراق (سێشەممە 23ی ئازاری 2021) بە ئاژانسی فەرمیی عێراقی ڕایگەیاند، "دەستەکەمان ئامادەیی تەواوی هەیە بۆ فەریجەی حەج لەمساڵدا، بەڵام ئەوە پەیوەستە بە بارودۆخی کۆرۆناوە."

 

ئاماژەی بەوەشکردووە، "تا ئێستا هیچ نوسراوێکی فەرمیمان لەلایەن دەسەڵاتدارانی سعودیەوە پێنەگەشتووە لەبارەی فەریزەی حەج یان ژمارەی حاجیان و ئەوەپێویستی بە وەڵامی فەرمیی سعودیە هەیە."  

 

وتەبێژی دەستەی حەج و عومرەی عێراق ئەوەشی خستووەتەڕوو، "ئێمە هەماهەنگیمان لەگەڵ لایەنە پەیوەندیدارەکانی سعودیەوە هەیە و ئامادەین هەر ژمارەیەک لەسەری ڕێککەوتووین بینێرین و بەتەواویش مەرجەکانی تەندروستی و سەلامەتی جێبەجێ بکەین."

 

ڕوونیشیکردووەتەوە، "تا ئێستا وردەکاری فەرمی تایبەت بە ڕێنمایی یاساکانی حەج نییە، ئەوەی لە ڕاگەیاندنەکاندا بڵاوکراوەتەوە نافەرمین."

 

جەختیشیکردووەتەوە، چاوەڕوانی وەڵامی فەرمی سعودیە و ئەو ڕێنماییانە دەکەن کە بەمەبەستی دەستپێکردنی میکانیزمی حەج دەردەکرێت، تاوەکو دەست بە کارەکانیان بکەن.

 

بەهۆی بڵاوبوونەوەی ڤایرۆسی کۆرۆنا و گرتنەبەری ڕێکارە تەندروستییەکان، ساڵی ڕابردوو فەریزەی حەج ئەنجامنەدرا و بۆ ئەمساڵیش تائێستا دیارنییە ئەنجامدەدرێت یاخود نا.