گه‌ڕان

Shadow Shadow
سیاسه‌تی

تاوەکو کەی؟

بارانبارین و هەورەبروسکە بەردەوام دەبێت

2021.03.23 - 19:21
App store icon Play store icon Play store icon
بارانبارین و هەورەبروسکە بەردەوام دەبێت

ناس کورد- 

بەگوێرەی سەرچاوە کەشناسییەکان، بارانبارین و هەورەبروسکە لە هەرێمی کوردستان تاوەکو شەوی چوارشەممە بەردەوام دەبێت و هاوکات ئەگەری خۆڵبارینیشی لەگەڵدایە.

کەناڵی ناس کورد لە تێلیگرام جۆین بکە   

 

ئاراس جەبار، شارەزای کەشناسی لە پەیجی فەرمیی خۆی (سێشەممە 23ی ئازاری 2021) بڵاویکردەوە، "لە ئەنجامی بەردەوامی کاریگەری شەپۆلی بارانبارین تا کاتەکانی ئێوارەی چوارشەممە بارانبارین و ھەورە تریشقە بەردەوامی دەبێت." 

 

ئاماژەی بەوەشکردووە، " خێرایی با چالاک دەبێت لە کاتەکانی بەرەبەیان تا ئێوارە بە شێوەیەک لەناوچە شاخاوییەکانی سنوری پارێزگای ھەولێر و دھۆک و سنوری ئیدارەی راپەرین کاریگەری زیاتر دەبێت و لەزۆربەی کاتەکان کەش باراناوی دەبێت و پلەکانی گەرما بەرێژەی 2 پلەی سلیزی نزمتر دەبنەوە." 

 

ئەوەشی خستووەتەڕوو، "لەناوچەکانی سنوری پارێزگای سلێمانی و ھەڵەبجە و کەرکوک زیاتر بەشێوەی تاو تاو باران لەھەندێک کات دەبارێت و ھەورەبروسکەی لەگەڵ دەبێت و پلەکانی گەرما لەم سنورانەدا بەرێژەی 2 پلەی سلیزی بەرزتردەبنەوە، لەناوچەکانی گەرمیان زیاتر کەش ئاسایی دەبێت و ئەگەری نمەباران دەبێت لەھەندێک کاتدا و پلەکانی گەرما بەرێژەی 3 بۆ 5 پلەی سلیزی بەرزدەبنەوە و کەشێکی تا رادەیەک گەرم دەبێت." 

 

ئاماژەی بەوەشکردووە، "ئەگەر ھەیە کاتەکانی سبەی بەھۆی زیادبوونی خێرایی با بەرێژەی 20-30کم/س نیسبەتێکی کەم تۆز و خۆڵ لە رۆژئاوای عێراقەوە بگاتە ئاسمانی ناوچەکانی باشور و ناوەراستی ھەرێم." 

 

بەگوێرەی پێشبینییەکان، "کاتەکانی ئێوارە کۆتایی بە کاریگەری ئەم شەپۆلە دێت تەنھا لەناوچە شاخاوییە سنوریەکان بەردەوامی دەبێت بەلاوازی تا بەرەبەیانی رۆژی پێنجشەمە."