گه‌ڕان

Shadow Shadow
سیاسه‌تی

وردەکاریى

وردەکارى خنکاندنى هاووڵاتییەکى چەمچەماڵ لە حەوزێکدا 

2021.03.23 - 10:28
App store icon Play store icon Play store icon
وردەکارى خنکاندنى هاووڵاتییەکى چەمچەماڵ لە حەوزێکدا 

ناس کورد-

هاووڵاتیەکی تەمەن 50 ساڵ لە تەکیەى کاکەمەند لەناو ئاودا خنکا و بەوتەی تەندروستی چەمچەماڵ هۆکاری خنکاندنەکەی تاوان نەبووە و تەرمەکەی ڕادەستی کەسوکاری کراوەتەوە.

 

کەناڵی ناس کورد لە تێلیگرام جۆین بکە   

 

د.فەرهاد محەمەد مستەفا، بەڕێوەبەری تەندروستی چەمچەماڵ (23ی ئازاری 2021) لەلێدوانێکدا بۆ "ناس کورد" ڕایگەیاند، شەوی ڕابردوو تەرمی هاووڵاتیەک گەیەنراوەتە نەخۆشخانەی چەمچەماڵ کە کەوتووەتە ناو حەوزێکى ئاوەوە. 

 

وتیشی "هاوڵاتیەکە تەمەنی 50 ساڵ بووە و بەوتەی کەسوکاری باری دەرونی باش نەبووە، گیانلەدەستدانیشی تاوان نەبووە بەڵکو کەوتووەتە ئاوەوە و خنکاوە".

 

ئاشکراشی کرد، دوای لێکۆڵینەوەکان تەرمی هاووڵاتیەکە ڕادەستی کەسوکاری کراوەتەوە و سکاڵاش دژی هیچ کەسێک تۆمار نەکراوە.