کەناڵی ناس کورد لە تێلیگرام جۆین بکە
ناس کورد- بڕیارە لەچەند ڕۆژی داهاتودا کۆبوونەوەیەکی سێ قوڵی لەنێوان جۆن بۆڵتن، ڕاوێژکاری ئەنجوومەنی ئاسایشی نەتەوەیی ئەمریکا، نێکۆڵا باترۆشێف، سەرۆکی ئەنجومەنی ئاسایشی ڕووسیا و مەئیىربن شبات سەرۆکی ئەنجومەنی ئاسایشی ئیسرائیل لەقودس بەرێوەبچێت. . بەپێی زانیارییەکان کۆبوونەوەکە لەئەنجامی لێکتێگەیشتنێکی نێوان دۆناڵد ترمپ سەرۆکی ئەمریکا و ڤیلادمیر پۆتین سەرۆکی ڕووسیا هاتووەتە ئاراوە. . کۆبوونەوەکە ئەو دۆسیانەی تاوتوێ دەکات کە پەیوەندی بە کێشەی نێوان ئەمریکا و ئێرانەوە هەیە بەئامانجی دۆزینەوەی میکانیزمی گونجا بۆ پارێزگاریکردن لەئاسایشی ئیسرائیل، لەئەگەری ئاڵۆزبوونی دۆخی ناوچەکە. . ڕۆژنامەی شەرقولئەوسەتی سعودییە لەوبارەوە بڵاویکردوەتەوە، لەکۆبوونەوەکەدا ژمارەیەک بژاردە دەخرێنە ڕوو بۆ رازیکردنی ڕووسیا تا فشارەکان لەسەر ئێران زیاتر بکرێن. . ئەمە لەکاتێکدایە رۆژی ڕابردوو مایک پۆمپیو وەزیری دەرەوەی ئەمریکا لە کۆنگرەیەکی ڕۆژنامەوانیدا ڕایگەیاند ئامادەن بێ مەرج دەستبەگفتوگۆ لەگەڵ ئێران بکەنەوە. . لەبەرانبەردا حەسەن ڕۆحانی سەرۆک کۆماری ئیسلامی ئێران وتی هەرکاتێک سزاکان لابران و ئەمریکا گەڕایەوە سەر ئەو مێزەی کە جێیهێشتووە گفتوگۆکان دەستپێدەکەنەوە. .
