گه‌ڕان

Shadow Shadow
سیاسه‌تی

لیژنەی پەروەدەى پەرلەمان داواکارییەکانى لەبارەى قۆناغى 12ى ئامادەیی ئاشکراکرد

2021.03.19 - 18:34
App store icon Play store icon Play store icon
لیژنەی پەروەدەى پەرلەمان داواکارییەکانى لەبارەى قۆناغى 12ى ئامادەیی ئاشکراکرد

ناس کورد-

 

لپەروەردەو خوێندنی باڵای پەرلەمانی کوردستان رایگەیاند، لەبارەى داواکارى خوێندکارانى 12ى ئامادەیی چەند داواکارییەکى ئاڕاستەى وەزارەتى پەروەردە کردووە و بەم نزیکانە وەڵام دەدرێنەوە.

 

کەناڵی ناس کورد لە تێلیگرام جۆین بکە   

 

لیژنەکە لە ڕاگەیەنراوێکدا کە وێنەیەکی دەست "ناس کورد" کەوتووە (19ی ئازاری 2021) نیگەرانى خۆى نیشانداوە لەبارەى تەقەکردن لە قوتابیانی پۆلی 12ی  ئامادەیی لەسلێمانی، داواشى لە قوتابیان کردووە  ئاکاری بەرزی پەروەردەیی و نموونەیەکی جوانی داواکردنی ماف داوای مافە ڕەواکانیان  بکەن.

 

باس لەوەشکراوە، بۆ داواکاریی قوتابیانی 12ی ئامادەیی لە چەند ڕۆژی ڕابردوودا بەردەوام لە پەیوەندیدا بووین لەگەڵ وەزیری پەروەردەو بۆ ئەوەش بڕیاری گرنگدرا بەوەی لە ھەفتەیەکدا تەنھا دوو تاقیکردنەوە ئەنجام دەدرێن.

 

بەپێی راگەیەنراوەکە، هەروەها لیژنەیەکی پسپۆڕ و شارەزا پێکھاتووە بۆ کەمکردنەوەی پڕۆگرام (منھج)، وەک پێشتریش ڕایانگەیاندبوو مەنهەج بە گوێرەی ڕۆژەکانی خوێندنی وەرزی دووەم دیاری دەکەن و پێش دەستپێکی خوێندنی وەرزی دووەم ئەو بابەت و بەندانەی پێویست نین ڕایدەگەیەنن.

 

باس لەوەشکراوە، بۆ تاقیکردنەوەی وەرزی یەکەم 13 ڕۆژ مۆڵەتی دیکە دراوە بە قوتابیان.

 

 لیژنەی پەروەردە دەڵێت داوایان لە  وەزارەتی پەروەردە کردووە وادەى تاقیکردنەوەی وەرزی دووەم لە 19 ی 6 پێشبخەن بەجۆرێک 40 ڕۆژ  لەبەردەم قوتابیان بێت بۆ باشتر خۆئامادەکردن بۆ تاقیکردنەوەی وزاری، لە ئایندەیەکی زۆر نزیکدا وەزارەتی پەروەردەوە وەڵامی داواکاریەکەیان دەداتەوە.