گه‌ڕان

Shadow Shadow
سیاسه‌تی

ڤیدیۆیەکی نوێی شەڕەکەى پەرلەمانی کوردستان بڵاوکرایەوە

2021.03.16 - 23:41
App store icon Play store icon Play store icon
ڤیدیۆیەکی نوێی شەڕەکەى پەرلەمانی کوردستان بڵاوکرایەوە

ناس کورد-

شیرینی ئەمین، پەرلەمانتاری گۆڕان لە پەرلەمانی کوردستان ڤیدیۆیەکی تری شەڕەکەى ئەمڕۆی پەرلەمانی بڵاوکردەوە کە لەلایەن چەند پەرلەمانتارێکی یەکێتییەوە هێرشی دەکرێتەسەر.

کەناڵی ناس کورد لە تێلیگرام جۆین بکە   

 

شیرین ئەمین، ئەندامی فراکسیۆنی گۆڕان لە پەرلەمانی کوردستان ساتی هێرشکردنەسەری لەلایەن پەرلەمانتارانی یەکێتییەوە بڵاوکردەوە و دەڵێت، هەر پۆلیس و ئاسایشەکانیان نین کە فێری زمانی شەقن، پەرلەمانتارەکانیشیان هەمان بابەتن.  

  

ئەمڕۆ سێشەممە، 16ی ئازاری 2021، لە ساڵیادی مەرگەساتی کیمیابارانکردنی هەڵەبجەدا پەرلەمانی کوردستان بە ئامادەبوونی شەش وەزیری حکومەتی هەرێم کۆبوونەوەیەکی ئەنجامدا لەوبارەیەوە ئەنجامدا.   

  

لە میانەی دانیشتنەکەدا، شیرین ئەمین، ئەندامی فراکسیۆنی گۆڕان لە پەرلەمانی کوردستان ڕایگەیاند، "ئەو جاش و مستەشارانەی کەسوکاری ئەو و خەڵکیان ئەنفال کردووە و ئەو فڕۆکەوانەی کیمیابارانی هەڵەبجەی کردووە، ئازادکراون" و لەدوای ئەوە پەخشی ڕاستەوخۆی پەرلەمانی کوردستان ڕاگیرا.   

  

شیرین ئەمین لە هەژماری خۆی لە تۆڕی کۆمەڵایەتی فەیسبوک نوسیویەتی، "دوای کۆمەڵێک وتەی ڕاستەقینەم لەسەر هەڵەبجە و هێنانی سەربازی ئێرانی بۆ هەڵەبجە سەرجەم وتەکانمیان لە پڕۆتۆکۆڵ سڕیەوە و فراکسیۆنی یەکێتی هێرشیان کردە سەرم."   

  

ئەو پەرلەمانتارە ڤیدیۆی ساتی هێرشکردنەسەری بڵاوکردووەتەوە و ئاماژەی بەوەکردووە، " هەر پۆلیس و ئاسایشەکانیان نین کە فێری زمانی شەقن، پەرلەمانتارەکانیشیان هەمان بابەتن."  

  

ئەوەشی نوسیوە، " بۆ ڕاستی قسەکانم سەیری لاپەڕەی سێیەم لە کتێبی هاوخەباتیەوە بۆ تەخوین بکەن کە نەوشیروان مستەفا نوسیویەتی و دەڵێت: لەو سەردەمەدا کە ئێمە بەدڵی شکاو دەرونی بریندارەوە باسی ئەوەمان دەکرد چۆن هەوڵی ئازادکردنی هەڵەبجە بو بەکارەساتێکی ئینسانی، ئاغای تاڵەبانی بێ هیچ سڵمینەوەیەک دەیوت: کیمیا بارانی هەڵەبجە، مەسەلەی کوردی بردە ناو مەیدانی نێودەوڵەتیەوە، ئاخ بۆ دوو سێ هەڵەبجەی تر."