گه‌ڕان

Shadow Shadow
سیاسه‌تی

گرژی و ئاڵۆزی لە پەرلەمانی کوردستان دروستبوو ’’هێرشکرایەسەر شیرین ئەمین’’

2021.03.16 - 16:13
App store icon Play store icon Play store icon
گرژی و ئاڵۆزی لە پەرلەمانی کوردستان دروستبوو  ’’هێرشکرایەسەر شیرین ئەمین’’

ناس کورد-

لەدانیشتنی پەرلەمانی کوردستاندا گرژی و ئاڵۆزی دروستبوو و بەوتەی خۆی، شیرین ئەمین، پەرلەمانتاری گۆڕان لەدوای ئەوەی باسی ڕووداوەکانی کیمیابارانکردنی هەڵەبجە وهێنانی سەربازی ئێرانی و ئازادکردنی جاش و مستەشارەکانی کردووە، پەرلەمانتارانی یەکێتی هێرشیانکردووەتەسەر.

کەناڵی ناس کورد لە تێلیگرام جۆین بکە   

 

ئەمڕۆ سێشەممە 16ی ئازاری 2021 لەساڵیادی مەرگەساتی کیمیابارانکردنی هەڵەبجەدا، پەرلەمانی کوردستان بە ئامادەبوونی شەش وەزیری حکومەتی هەرێم کۆبوونەوەیەکی ئەنجامدا لەوبارەیەوە ئەنجامدا.

 

لە میانەی دانیشتنەکەدا، شیرین ئەمین، ئەندامی فراکسیۆنی گۆڕان لە پەرلەمانی کوردستان، ڕایگەیاند، "ئەو جاش و مستەشارانەی کەسوکاری ئەو و خەڵکیان ئەنفال کردووە و ئەو فڕۆکەوانەی کیمیابارانی هەڵەبجەی کردووە، ئازادکراون" و لەدوای ئەوە پەخشی ڕاستەوخۆی پەرلەمانی کوردستان ڕاگیرا.

 

شیرین ئەمین، لە هەژماری خۆی لە تۆڕی کۆمەڵایەتی فەیسبوک نوسیویەتی، " دوای کۆمەڵێک وتەی ڕاستەقینەم لەسەر هەڵەبجە و هێنانی سەربازی ئێرانی بۆ هەڵەبجە سەرجەم وتەکانمیان لە پڕۆتۆکۆڵ سڕیەوە و فراکسیۆنی یەکێتی هێرشیان کردە سەرم."