گه‌ڕان

Shadow Shadow
سیاسه‌تی

وردەکاریى

توێژینەوە: ئەوەی پاپا سەردانیكرد ماڵی پێغەمبەر ئیبراهیم نەبوو

2021.03.14 - 21:24
App store icon Play store icon Play store icon
توێژینەوە: ئەوەی پاپا سەردانیكرد ماڵی پێغەمبەر ئیبراهیم نەبوو

ناس کورد-

چەند توێژەرێكی شوێنەوارناسی بڵاویانكردەوەی ئەوەی پاپای ڤاتیكان سەردانی كردووە لە شاری ئوری پارێزگای زیقار ماڵی پێغەمبەر ئیبراهیم نەبووە، بەڵام سەردانەكە گرنگی زۆری هەیە لە ناساندنەوەی ئور وەك ڕووگەیەكی گەشتیاری و مەڵبەندێكی شارستانی لەسەر ئاستی جیهان.

 

کەناڵی ناس کورد لە تێلیگرام جۆین بکە   

 

پوختەی سەرەنجامی توێژینەوە شوێنەوارناسییە عێراقییەكان كە رۆژنامەی ئەلعەرەبی چاپی لەندەن بڵاویكردووەتەوە ( 13 ئازاری 2021) و "ناس كورد" خوێندنەوەی بۆ كردووە، ئاماژە بەوە دەكات سەراپای چیرۆكی ماڵی ئیبراهیم لەئور بەرمەبنای ڕاپۆرتی شوێنەوارناسێكی بەریتانییە (چارلز لیۆنارد وڵی) كە لەنێوان 1922_1934 لەوێدا كاریكردووە،  پێدەچێت ناوبراویش بۆ ڕازیكردنی سپۆنسەرە ئاینیە جولەكەكانی دۆزینەوەی ناوێكی هاوشێوەی ئیبراهیمی لەسەر هەڵكۆڵراوێك وەها ڕاڤە كردبێت كە ئەوە ماڵی پێغەمبەر ئیبراهیمی باپیرە گەورەی پێغەمبەرەكانی پاش خۆیەتی (موسی، عیسی، محمد).

 

بەپێی توێژینەوەكان هەڵكۆڵراوەكە لەدووری زەقورەی مێژویی ئورەوە ناوی (ئەبرامۆ) ی لەسەر بووە لەسەر بەرانێكی هەڵكۆڵراو كە ڕەنگە هێمابێت بۆ قوربانییەكەی ئیبراهیم یان پەرستگایەكی ئیبراهیمی لەوێدا، بیرۆكەی ئەوەشی ئەوە ماڵی ئیبراهیمە زیاتر بانگەشەیەكی سیاسییە تا ئەوەی زانستی بێت و تەنها لەدەقەكانی تەوراتدا ئاماژەی بۆكراوە پێنج سەدە پێش زاین ( سفر التكوین) لە كاتێكدا پێغەمبەر ئیبراهیم 17_19 سەدە بەر لەوە ژیاوە.

 

توێژەرەكان ئەوەش دەخەنەڕوو شوێنەوارناسە بەریتانییەكە خۆی پاش ماوەیەك پاشەكشەی كردووە لەپێداگرییكردن لەسەر ئەوەی ئەوە ماڵی ئیبراهیم بێت و بەڵگەی جۆراوجۆری هێناوەتەوە كە ڕاڤەی جیاجیا هەڵدەگرن.

 

تویژینەوەكان باس لەوەش دەكەن ئەو جێگایەی ئێستا ناوی لێنراوە "ماڵی ئیبراهیم" و لەسەر 2200 مەتر بنیاتنراوە لە ساڵانی كۆتایی نەوەدەكان لەلایەن ڕژێمی بەعسەوە بەپەلە پەل بەچیمەنتۆ و تابوكی نوێ نۆژەنكراوەتەوە ئەمەش سیما شوێنەوارییەكەی شێواندووە و بووەتەهۆی توڕەكردن و بێهیواكردنی لایەنە پسپۆڕ و پەیوەندیدارەكان لەوانەش ڕێكخراوی یونسكۆ چونكە بەئامانجی سیاسی و بۆ سەردانێكی گریمانكراوی پاپا یوحەنا بولس ئەنجامدرا كە دواتر سەرینەگرت.

 

توێژەرەكان بەچڕی هەڵوێستەیان لەسەر قوڵایی شارستانی ئور كردووە وەك سەرچاوەیەكی شارستانی گرنگ كە لیستی پێگە شوێنەوارییەكانی جیهانیدایە كە یونسكۆ سەروكارییان دەكات و جەخت لەوە دەكەنەوە ناكرێ ئەم گرنگییە مێژویی و شارستانییە تەوزیف بكرێت بۆ مرازیتری سیاسی نازانستی.