گه‌ڕان

Shadow Shadow
سیاسه‌تی

وردەکاریى

مەلا بەختیار بۆ پارتی و یەكێتی: تكایە ماستاوەكان خەست مەكەنەوە

2021.03.14 - 17:13
App store icon Play store icon Play store icon
مەلا بەختیار بۆ پارتی و یەكێتی: تكایە ماستاوەكان خەست مەكەنەوە

ناس کورد-

مەلا بەختیار رایگەیاند، دیدارى حیزب و بەرپرسەکان زۆر دواخراوە و هۆشدارى لەگرێژ دەرچوونى ئەزموونى هەرێمى کوردستان دەدات.

 

کەناڵی ناس کورد لە تێلیگرام جۆین بکە   

 

مەلا بەختیار، ئەندامى ئەنجومەنى باڵای سیاسی و بەرژەوەندییەکانی یەکێتیی نیشتمانیی کوردستان (14ى ئازارى 2021)، لەمیانەى بڵاوکردنەوەى بەشێکى ترى کورتیلە رەخنە سیاسیەکانى لە هەژمارى خۆى لە فەیسبوک کە "ناس کورد" بەدواداچوونى بۆ کردووە، لەبارەى تێکدانى دیدارى سەرکردەکانى پارتى و یەکێتى ئاماژە بەوە دەکات بەرپرسیارێتى گەورە دڵى گەورەى دەوێت.

 

دەقى نوسینەکەى مەلا بەختیار :

كورتیلە رەخنەی سیاسی

دیدارەكە تێك مەدەن

كاتێك ئاوڕ لە دارستانێك لە كێلی شەهیدان و ئەنفالستان دەدەمەوە، كە بیر لە مەترسیەكان دەكەمەوە. ، ئیتر دەبێ‌ تێبگەین، چۆن گەمارۆ دراوین! دیداری حیزب و بەرپرسەكان، زۆر دوا خرا. خەریكە ئەزمونەكەمان لە گرێژنە دەردەچێ. بەرپرسیارێتی گەورە، دڵی گەورەی گەرەكە.

 

بارزانی ئەگەر بیری لە ئەدەبیاتی شەڕی ناوخۆ و قوربانیەكانی بكردایەتەوە، كێشەی، جەلالی و مەلایی، چارەسەر نەدەكرا. مام جەلالیش تەنها بیری لە 31/ی ئاب بكردایە، بەتەنها سەردانی كاك مەسعودی نەدەكرد و رێكەوتنی واشنتۆن (1998) روی نەدەدا. تكایە، قەتماغەكان هەڵمەدەنەوە. ماستاوەكان خەست مەكەنەوە!!