گه‌ڕان

Shadow Shadow
سیاسه‌تی

سێ کەس دەستگیرکراون

ئاسایش ڕوونکردنەوەیەک لەسەر کوشتنی گەنجەکەى بنەسڵاوە بڵاودەکاتەوە

2021.03.13 - 14:38
App store icon Play store icon Play store icon
ئاسایش ڕوونکردنەوەیەک لەسەر کوشتنی گەنجەکەى بنەسڵاوە بڵاودەکاتەوە

ناس کورد-

ئاسایشی هەولێر دەستگیرکردنی سێ کەسی بە تۆمەتی کوشتنی ئەو کەسە دەستگیرکرد کە شەوی ڕابردوو لەناو سندوقی ئۆتۆمبێلەکەیدا لە گەڕەکی کەسنەزان دۆزرایەوە.

کەناڵی ناس کورد لە تێلیگرام جۆین بکە   

 

بەڕێوەبەرایەتی ئاسایشی هەولێر لە ڕوونکردنەوەیەکدا کە کۆپییەکی دەستی "ناس کورد" کەوتووە (13ی ئازاری 2021) ئاماژەی بەوە کردووە، "توانرا شەوی ڕابردوو تاوانباران دەستنیشان بکرێن کە دانیشتووی "بنەسڵاوە"ن، بکوژ "ع أ ع" و هەریەکە لە هاوکاران " ب ع أ" و "ش ە ج" دەستگیرکراون کە بە چەکی "دەمانجە" کارەکەیان کردووە."

 

باسی لەوەشکردووە، "تاوانباران دانیان بە تاوانەکەیاندا ناوە و بکوژ لەسەر کێشەی کۆمەڵایەتی هەستاوە بە ئەنجامدانی ئەو تاوانە."

No description available.

وتەبێژى پۆلیسى هەولێر راگەیەندراوێکى لەبارەى دۆزینەوەى تەرمى گەنجێک لە کەسنەزان بڵاوکردەوە کە شوێنەوارى فیشەک بە جەستەیەوە بووە.  

 

هۆگر عەزیز، وتەبێژى پۆلیسى هەولێر (12ى ئازارى 2021) لە راگەیەندراوێکدا کە وێنەیەکى دەست "ناس کورد" کەوتووە ئاماژەى بەوە کرد "بەشی پۆلیسی قەزای دەشتی / بنکەی پۆلیسی کەسنەزان ئاگادارکرانەوە بەبوونی تەرمێک".  

  

رونیشیکردەوە، دوای گەیشتنی تیمەکانی پۆلیس بۆ شوێنی ڕوداو دەرکەوت کەوا هاوڵاتیەک بەناوی (علی صباح سوار)، تەمەن (29 ساڵ بە کوژراوی کە شوێنەواری (3) گولەی بە جەستەیەوە دیار بوو لە نێو سندوقی ئۆتۆمبێلەکەی خۆیدا دۆزراوەتەوە.  

  

ئاماژەى بەوەش کرد کە تیمەکانی پۆلیس سەرقاڵی لێکۆڵینەوەن بۆ گەیشتن بە هۆکاری ڕاستەقینەی ڕووداوەکە و دەستگیرکردنی بکەری سەرەکی تاوانەکە.