گه‌ڕان

Shadow Shadow
سیاسه‌تی

وردەکاریى

هەڵوێستى ڕێکخراوى تەندروستى جیهانى لەبارەى بەکارهێنانى ڤاکسینى ئیسترازینیکا

2021.03.12 - 19:01
App store icon Play store icon Play store icon
هەڵوێستى ڕێکخراوى تەندروستى جیهانى لەبارەى بەکارهێنانى ڤاکسینى ئیسترازینیکا

ناس کورد-  

ڕێکخراوى تەندروستى جیهانى دواى لێکۆڵینەوەیان لە چەند حاڵەتێکى جەڵتە و خوێن مەیین، داوا دەکات بەردەوامى بەکوتانى ڤاکسینى ئیسترازینیکاى دژە کۆرۆنا بدرێت.

 

کەناڵی ناس کورد لە تێلیگرام جۆین بکە   

 

مارگرێت هاریس، وتەبێژى ڕێکخراوەکە (12ى ئازارى 2021) لەلێدوانێکى ڕۆژنامەوانیدا کە "ناس کورد" بەدواداچوونى بۆ کردووە ڕایگەیاند، هەڵوێستى لیژنەى ڕاوێژکاریی ئاژانسى پزیشکى ئەوروپى تایبەت بەچاودێرى و هەڵسەنگاندنى مەترسییەکان لەوەدا پوخت دەبێتەوە سودەکانى ئەو ڤاگسینە هێشتا لەزیانەکانى زۆرترن.

 

ئاماژەى بۆ ئەوەش کرد، لیژنەیەکى دیکەى ناوخۆییان هەیە بۆ چاودێریکردنى سەلامەتى ڤاکسینەکان کە هەڵدەستێت بەهەڵسەنگاندنى سەلامەتى هەموو ڤاکسینەکان، ئەو دامەزراوەیەش لێکۆڵینەوە لەدۆخى ئێستا دەکات بەتایبەت هەڵسەنگاندنى ڕاپۆرتەکان لەبارەى ڤاکسینى ئیسترازینیکاوە، دواتریش لەوە تێدەگەن چ بڕیارێک بدەن.

 

هاریس باسى لەوەش کردووە، وەکو گرتنەبەرى ڕێوشوێنێکى پێویست وڵاتانى دانیمارک و ئایسلەندە و نەرویژ بەکارهێنانى ئەو ڤاکسینەیان ڕاگرتووە و بەوتەى هاریس باس لەبەکارهێنانى چەند جۆرێکى ترى ڤاکسین کراوە.

 

ئەو بەرپرسەى ڕێکخراوى تەندروستى جیهانى ئەوەشى ڕونکردووەتەوە، شارەزایان لەهۆکارەکانى چەند حاڵەتێکى  خوێن مەین دەکۆڵنەوە و هێشتا ئەوە ڕوننەبوەتەوە پەیوەندى بەکوتانى ئەو ڤاکسینەوە هەیە یاخود هۆکارى ترە.