گه‌ڕان

Shadow Shadow
سیاسه‌تی

’’ڕێککەوتن’’

ئەمەریکا و ئیسرائیل دۆسییەی ئێرانیان خستەسەر مێزی گفتوگۆ

2021.03.12 - 12:09
App store icon Play store icon Play store icon
ئەمەریکا و ئیسرائیل دۆسییەی ئێرانیان خستەسەر مێزی گفتوگۆ

ناس کورد-

ئەمەریکا و ئیسڕائیل لەبارەی نیگەرانییەکانیان سەبارەت بە ئێران کۆبوونەوە و باسیان لە شێوازێکی هاوبەش کرد بۆ بەرپەرچدانەوەی ئەو کێشە و هەڕەشانەی ڕووبەڕووی ناوچەکە بوونەتەوە، هاوکار ڕێککەوتن لەسەر ئەوەی هەماهەنگییەکانیان بەردەوام بێت.

کەناڵی ناس کورد لە تێلیگرام جۆین بکە   

 

بەگوێرەی ئاژانسی "ڕۆیتەرز" ئیمیڵی هۆڕن، وتەبێژی ئەنجومەنی ئاسایشی نیشتیمانیی  ئەمەریکا (هەینی 12ی ئازاری 2021) ڕایگەیاند، ئەمەریکا و ئیسرائیل یەکەمین کۆبوونەوەی کۆمەڵەی ستراتیژیان ئەنجامدا کە جەیک سۆلیڤان، ڕاوێژکاری ئاسایشی نیشتیمانی ئەمەریکا و هاوتا ئیسڕائیلیەکەی، موئیر بن شبات بەشدارییان لە کۆبوونەوەکەدا کردووە.

 

هۆڕن ئاماژەی بەوەشکردووە، " هەردوولا  گفتوگۆیان کردووە سەبارەت بە بابەتە ئەمنیەکانی ناوچەکە و هەروەها نیگەرانیە هاوبەشەکانیان، لەوانەش دۆسیەی ئێران، جگە لەوەی باسیان لە شێوازێکی هاوبەش کردووە بۆ بەرپەرچدانەوەی ئەو کێشە و هەڕەشانەی ڕووبەڕووی ناوچەکە بوونەتەوە."

 

ئەوەشی خستەڕوو، هەردوولا ڕێککەوتن لەسەر گرنگی گفتوگۆ ستراتیژیەکانی نێوانیان و بەڵێنیانداوە بەردەوام بن لەو گفتوگۆیانە."

 

جۆ بایدن، سەرۆکی ئەمەریکا دەیەوێت ئێران بەرەو دانوستان لەبارەی ڕێککەوتنی ئەتۆمی ڕابکێشێت و ئەو کۆبوونەوەیەش لەو چوارچێوەیەدایە، بەڵام بەرپرسانی ئێران دەڵێن، ڕێککەوتنی ئەتۆمی هەیە و پێویستە سەرەتا ئەمەریکا بگەڕێتەوە ناو ڕێککەوتنەکە و سزاکانی سەر وڵاتەکەیان لاببات، ئەوکات ئەوان ئامادەی گفتوگۆن.